Siracide 21
21
Sāǹ ikpiti
1M-biki, a yaa ŋá ikpitee
á taa ti kūtì míǹ#21.1 Dūú ŋmàntī nì Yoow 8.11.,
ní kí mèè bí dū ikpiti
in a ŋá an jítèe kí pɔ̄-si.
2Sāǹ ikpiti kii bi nín sáń ukoobu puee.
A yaa sútì ki pìl̄-iee, i làá jú-si ní.
Ikpiti nyiŋŋi bí kii gbikinti yaŋee,
ní i cáa júntí ki kù binib.
3Unil un yìntī Dindaan marauee
bí kii kitàataajiki kin jītí ajan liitilee ní.
Udaan fòol̄ tiweendi tin kaa cáá dicáaǹdee ní.
4Tipɔmbɔti nì dilambil
kúntí unil gaajati ní.
Míǹ ní ulambidaan
dicaŋku làá nàan̄.
5Ufalaadaan wimmeem kóò ti-Dindaan tafaliŋin
ní u pɔ̀ udaan kaa tàantí#21.5 Dūú ŋmàntī nì 35.17-19, Ilan 34.7..
6Unil un kaa néeń bí wòoǹ-uee,
udaan nóó binikpitib saŋŋu dee.
Ama un di fàŋkí ti-Dindaanee
kpántí u-ba u-pɔbil poon ní.
7Bi pée nyí ubɔlinnyaan báà la ní.
Ama unil un dàkafī kí nín sòoǹee
béetí u-yìntitam ní.
8Unil yaa dū ubɔ nimbiliŋ
ki máń u-diikuee,
udaan ŋman tōō ataŋkpee
ki kpúkuǹ úǹ u-ba kaakul pu dee#21.8 Dūú ŋmàntī nì Yeer 22.13, Abak 2.6-7..
9Binikpitib nikitil bí kii
timɔkulindi feencundee ní,
ŋŋmi di làá dāá wà-bi.
10Binikpitib saŋŋu wāā ní kaa cáá ataŋkpee,
ama ŋu cáǹ binib ditaŋkpiilin ní#21.10 Dūú ŋmàntī nì Alaŋ 14.12, Maat 7.13-14..
Uciŋfiti nì ugbaan bɔti
11Unil un di nóó ti-Dindaan marauee
nyí u nín cútí u-ba puee ní.
Unil un fàŋkí ti-Dindaanee
kāntí iciin ní.
12Un ní an kaa púee
kaa ŋūǹ kí bīfì kí cíkití tiba,
ama apɔl aba tìì binib ntuntun ní#21.12 Dūú ŋmàntī nì 32.18, Alaŋ 15.32-33..
13Uciŋfiti nyil wīintí kii nnyiŋgbeenee,
ní u-saŋkii bí kii nnyimbul nyimee.
14Ugbaan pɔbil bí kii dibɔkatilee ní,
waa ŋūǹ kí cúú tin ní u bífèe poon tiba.
15Unil un di ŋá sukulee
yaa gbìl̄ iciin nyɔɔbundee,
u fòol̄-dì ní kí bīfì tiba kí kūtì.
Ama un di ŋáań ajɔkɔntuunee ceeyee,
an bɔtee kaa fáatí-u,
u dù-dì kí ŋá u-kpaŋkpamboon ní.
16Ugbaan sooŋyi nyìm̀ kii
diwaŋgul din unil un cá nsanee túee ní.
Ama unyil nyɔɔbuŋŋi ŋíǹ mɔ̄ dipilifil ní.
17Dikpafil poonee, binib nyàab̀ kí
nīn pílifí tin ulandɔkɔdaan sòoǹee ní,
kí nīn dàkafī u-bɔti pu bi-pɔbilin.
18Ugbaan ceeyee iciin
sá kii adigbuŋkatee ní.
Ugbaan nyil sá kii
anyɔɔbun ŋin kaa cáá taapuee.
19Ugbaan ceeyee dibifil
sá kii abaa ní bi bá u-taaŋee,
àá ikusaka ní bi dūu bóob́ u-ŋaliiyee.
20Ugbaan lāā mpɔn ní,
ama uciŋfiti úǹ lāā yɔ̀ɔɔ nì diŋmiŋŋmilin ní#21.20 Dūú ŋmàntī nì Uciŋ 7.6..
21Ulandɔkɔdaan ceeyee,
dibifil sá kii sindaariya léeŋkaati,
àá dibɔmbil ní u fúuń u-ŋaŋgiilee ní.
22Ugbaan bìl̀ ní kí kɔ́ unil cindin,
ama un cíkitì ki nyée kóò soooo ní.
23Ugbaan di yūlifí kipunyɔkɔpu
ní ki gbōontí ki kpèé unil cindin.
Ama unil un fōō didàkamɔntiil u-baabi ceeyee
yūlifí mmɔŋki ní.
24Unil un yūlifí mpunyɔmu pu
ki pílifí tibɔtee sá dikpacantibil ní,
ama an sá icoo ní ki tīī un cáá iciinee.
25Unil un càfī tibɔtee sòoǹ ní ki bùsī tin biba sòon̄ee,
ama biciŋfitiibi dàkafī ní kí nín sòoǹ.
26Ugbaan sòoǹ kaa dàkafī,
uciŋfiti úǹ dàkafī ní kí nín sòoǹ#21.26 Dūú ŋmàntī nì Alaŋ 13.3..
27Unikpiti yaa tɔ́ Sitaan mbusuee,
úǹ u-ba ní u tɔ́ mbusu.
28Un cāab̀ u-jutiibi disambiilee
ŋáań úǹ u-ba ní tikpitil.
U yàntī bin kɔkɔ māntìi tú-uee ná-u ní.
Currently Selected:
Siracide 21: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.