Nombres 33
33
Isirayeel yab nín kàal̀ ki yíkí puee
1Isirayeel yab nín nyáń Eejipiti tiŋkin, Mooyiisi nì Aarɔn kpòotī-bi bi nóó tɔb akiti akiti pu ki kàal̀ ki yíkí puee sɔ̀. 2Bi-saŋkindi poonee, ti-Dindaan yaa nìn dàkā-bi yii bí kàl̄ laakin kí ŋùŋfì kí nín nìkēe, Mooyiisi nìn ŋmà niin yindi ní. Bi nín nìn kāl̀ kāl̀ laakiŋyee yiŋŋi sèé.
3Isirayeel yab nìn yíkì Ramseesi, Eejipiti tiŋkin dibindi ŋmapeepeekaau iwiin saalku dal ní. Bi nìn jíń Dilákatil jiŋaaliu kutaa wúntì ní bi tɔ́ bi-ba ki nyáń Eejipiti yab ŋaan ki búntì ní bi kā ki kpèé-bi. 4Ŋyunti gbantee, Eejipiti yab bíǹ nìn bíi síb̀ bi-biseebiyaamu nninjabiyaamu mun ti-Dindaan nìn kūūyee dee. Ti-Dindaan nìn ŋá míǹ kí dáaĺ bi-waaŋi tafal ní. 5Isirayeel yab yíkì Ramseesee, ní ki cūtìi kāl̀ Sukooti. 6Bi yíkì Sukootee, ní ki cūtìi kāl̀ Eetaam, kuteeu kpaanyɔkɔ. 7Bi yíkì Eetaamee ní ki túlifì bi-boon ki dī Pii-Ayirooti, kitiŋ kin nì Baal-Seefɔn túĺ tɔbee, ní ki cūtìi kāl̀ Miigidool nyɔkɔpu. 8Bi yíkì Pii-Ayirooti ní ki dūtì dimɔɔl, ki cōom̀ iwiin ita Eetaam teekun ní ki dūu nyáń Maara tiŋki pu ní ki kāl̀ niin. 9Bi yíkì Maaree ní ki dūu bàn̄ Eeliim tiŋkin. Niin ní bi ká inyimbul saalaa nì ili nì ibafi imuŋku ita nì saalaa, ní ki gbíntì niin ki kāl̀. 10Bi yíkì Eeliimee ní ki cūtìi kāl̀ ki pìlīǹ Tikati mɔɔl. 11Bi yíkì Tikati mɔɔl ceeyee ní ki cūtìi kāl̀ Siini teekun. 12Bi yíkì Siini teekunee ní ki cūtìi kāl̀ Doofika tiŋkin. 13Bi yíkì Doofikee ní ki cūtìi kāl̀ Aluusi tiŋkin. 14Bi yíkì Aluusee ní ki cūtìi kāl̀ Reefiidiim tiŋkin, laakin Isirayeel yab nìn bàn̄ nnyim kpá bí nyɔ̀ee.
15Bi yíkì Reefiidiimee ní ki cūtìi kāl̀ Siinaayi teekun. 16Bi yíkì Siinaayi teekunee ní ki cūtìi kāl̀ Kiibirooti-Taafa tiŋkin. 17Bi yíkì Kiibirooti-Taafee ní ki cūtìi kāl̀ Aseerooti tiŋkin. 18Bi yíkì Aseerootee ní ki cūtìi kāl̀ Riitima tiŋkin. 19Bi yíkì Riitimee ní ki cūtìi kāl̀ Riimɔn-Peereesi tiŋkin. 20Bi yíkì Riimɔn-Peereesee ní ki cūtìi kāl̀ Liibina tiŋkin. 21Bi yíkì Liibinayee ní ki cūtìi kāl̀ Riisa tiŋkin. 22Bi yíkì Riisayee ní ki cūtìi kāl̀ Keeyeelata tiŋkin. 23Bi yíkì Keeyeelatayee ní ki cūtìi kāl̀ Seefeer jool pu. 24Bi yíkì Seefeer jool puee ní ki cūtìi kāl̀ Arada tiŋkin. 25Bi yíkì Aradayee ní ki cūtìi kāl̀ Makeelooti tiŋkin. 26Bi yíkì Makeelootee ní ki cūtìi kāl̀ Tayati tiŋkin. 27Bi yíkì Tayatee ní ki cūtìi kāl̀ Teera tiŋkin. 28Bi yíkì Teerayee ní ki cūtìi kāl̀ Miitika tiŋkin. 29Bi yíkì Miitikayee ní ki cūtìi kāl̀ Yasimoona tiŋkin. 30Bi yíkì Yasimoonayee ní ki cūtìi kāl̀ Mooseerooti tiŋkin. 31Bi yíkì Mooseerootee ní ki cūtìi kāl̀ Beenee-Yaakan tiŋkin. 32Bi yíkì Beenee-Yaakanee ní ki cūtìi kāl̀ Yɔɔr-Giidigaadi tiŋkin. 33Bi yíkì Yɔɔr-Giidigaadee ní ki cūtìi kāl̀ Yootibata tiŋkin. 34Bi yíkì Yootibatayee ní ki cūtìi kāl̀ Abiroona tiŋkin. 35Bi yíkì Abiroonayee ní ki cūtìi kāl̀ Eesiyɔn-Geebeer tiŋkin. 36Bi yíkì Eesiyɔn-Geebeeree ní ki cūtìi kāl̀ Kadeesi tiŋkin, Siini teekun. 37Bi yíkì Kadeesee ní ki cūtìi kāl̀ Yɔɔr jool pu, ki pìlīǹ Eedoom tiŋki kpaanyɔkɔ.
38Niinee ní usaraaŋakpil Aarɔn jɔ́m̀ Yɔɔr jool pu kii ti-Dindaan nín nìn tùkū-u puee, ní ki kpíì niin. Isirayeel yab nín nyáń kuyuŋu Eejipiti tiŋkinee, abin imuŋku ili, uŋmaŋmooŋmooti wimpeepeekaaŋu dal ní u kpíì. 39U nìn cáá abin dilaataal nì mmuŋku nì ata ní ki nín kpíì#33.39 Kpèè 20.22-28, Ditee 10.6.. 40Niinee ní ukanaanja, Araadi yab bɔtiu un nìn kóò Neegeeb, Kanaan tiŋkinee, gbìl̄ yii Isirayeel yab tóobiń-u.
41Bi yíkì Yɔɔr jool puee ní ki cūtìi kāl̀ Salmoona tiŋkin. 42Bi yíkì Salmoonayee ní ki cūtìi kāl̀ Puunɔn tiŋkin. 43Bi yíkì Puunɔŋyee ní ki cūtìi kāl̀ Oobooti tiŋkin. 44Bi yíkì Oobootee ní ki cūtìi kāl̀ Yee-Abariim, Moowaab yab tiŋki kpaanyɔkɔ. 45Bi yíkì Yee-Abariimee ní ki cūtìi kāl̀ Diibɔn-Gaadi tiŋkin. 46Bi yíkì Diibɔn-Gaadee ní ki cūtìi kāl̀ Almɔn-Diibilatayiim tiŋkin. 47Bi yíkì Almɔn-Diibilatayiimee ní ki cūtìi kāl̀ Abariim jooŋŋi pu, ki túĺ Neeboo. 48Bi yíkì Abariim jooŋŋi puee ní ki cūtìi kāl̀ Moowaab tantakalin, an pìlīǹ Jɔɔdan buŋŋu ki túĺ Jeeriikoo tiŋki. 49Ní bi kāl̀ Jɔɔdan buŋgbandi ki yōoǹ Beeti-Yeesimooti ki tin cáa sāā Afeel-Siitiim, Moowaab tantakalin.
Ti-Dindaan tīī mara bí já kí fōō Kanaan tiŋki
50Ti-Dindaan sòon̄ nì Mooyiisi, Moowaab tantakal din túĺ Jeeriikooyee yii 51ú tùkù Isirayeel yab yii: «Ni yaa dūtì Jɔɔdan buŋŋu ki kɔ́ Kanaan tiŋkinee, 52ní jà binib bin kóò kitiŋ gbanti poonee kɔkɔ kí cùnnì ndan kí wàatī ni-ba, kí gbá kí kpìtī bi-waaŋi ŋin sá ataŋkpeeyee kɔkɔ, kí gbá kí wìil̀ tikúti tin bi dūu mɔ́ɔ́ ki nántiǹ awaayee, ní kí bīil̀ ipaan in pu bi cá ki jáaḿ awaayee. 53Ní fōō kitiŋ gbanti kí nīn kíǹ ki kóò, di sá nimbi ní m dū kitiŋ gbanti ki tīī ní nīn kíǹ ki yì. 54Ní dāá tɔ̄ kasi ní an lēē kunaakoou kamaa nín máaǹ dijandi diŋyee. Kunaakoou kun nib yaa wīikée, ní tīī-bi kitiŋ ń nīn wīikí, kun nib yaa kaa náaǹee, ní tīī-bi án taa nín̄ náaǹ. Ní kunaakoou kamaa ń nīn yì dijandi din bi tɔ́ kasi ku jíńee. Ní yàkatīmaan kí nóó nì ni-baabi naakɔti nín sá puee#33.54 Kpèè 26.52-56, 34.13, Joos 14.1-2.. 55Ama ni yaa kaa jìn̄ binib bin kóò kitiŋ gbantinee ki cūnnì ndan kí wàatī ni-bee, bin ni kíǹee di dāa kpántí ikuŋkum ki sàatī ni-nimbiliŋ, ní ki dāa sá akuŋkunjal ki sàatī ni-takakalii. Bi làá dāá nīn páb̀-ni kitiŋ kin ni làá cùú kàl̄ nee poon. 56Ní man nín bàà yóoǹ kí dáaĺ bi-tafal miŋyee, ḿ dāá dūú dáaĺ nimbi tafal.»
Currently Selected:
Nombres 33: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
