2 Rois 1

Unimbɔti sòon̄ ki kūū Akasiyasi bimbikpitim

1Ubɔti Akaab kúm boonee, Moowaab yab nìn yíkì kaa kíí bi-ba pu ki tīī Isirayeel yab.

2Dalbee ubɔti Akasiyasi nyáń u-diiku kun bí aditɔntɔkɔ yilpuee ki lítì ní an kūū-u tikpil. Niinee ní u lēē binib ki tú ki bí-bi yii: «Cùú bàlifìmaan Eekrɔn yab waal Baal-Seebuul#1.2 u-diiku kun bí aditɔntɔkɔ yilpuee: kpèè 1 Bib 17.19. - Baal Seebuubi: diyindi gbanti taapu di sá yii «Isii dindaan». An nìn sá Baal Seebuul un taapu sá yii «Baal dibɔtibilee» ní bi nìn cúu kpántì míǹ kí nīn cáa bèel̄ ki sìntī-dì taapu. kí kpèè yii m làá pɔ̄ɔkàaa, maa làá pɔ̄ɔkì!» 3Ama ní ti-Dindaan tuuŋŋu dɔ́miń ki sòon̄ nì utiiseebeeja Eelii yii: «Kíntí Samaarii bɔtiu nín tú binib biŋyee kí bàlifì-bi yii: <Mimmee Unimbɔti kaa bí Isirayeel beelin naaa? Kin ba pu ní ni cá Eekrɔn yab waal Baal-Seebuul cee kí bàlifì?> 4Kpèè ti-Dindaan nín sòon̄ Isirayeel bɔtiu pu miŋyee sèé: <Aa ti làá kpákatí kilambaŋ kin pu a dɔ̄ nee, di sá yii a làá kpú ní!>»

Ní Eelii cūtì ki ŋá kii ti-Dindaan nín bí yii ú ŋá puee. 5Dicilpu niinee ní ituunee nín gítí ubɔti cee, ní úǹ bālifì-i yii: «Ba pu ní ni fātìi gítìń?» 6Ní bi kíí-u yii: «Kijapaai kiba kíntì-ti nsanni ní ki bí-ti yii: <Nín̄ gítímaan ubɔti un di túnní-nee cee kí tùkù-u yii: Ti-Dindaan nín sòon̄ puee sɔ̀. Mimmee Unimbɔti kaa bí Isirayeel beelin naaa? Kin ba pu ní ni cá Eekrɔn yab waal Baal-Seebuul cee kí bàlifì? A nín ŋá mimmee puee, aa ti làá kpákatí kilambaŋ kin pu a dɔ̄ nee, a làá kpú ní!>» 7Ní ubɔti bālifì-bi yii: «Kijapaai kin kíntì-ni nsanni ki sòon̄ nì nee bí mana ní?» 8Ní bi kíí-u yii: «U pēē ugutaamu kuti wanti ní ki gbìn̄ ŋgban dambalau u-caŋ#1.8 Dūú ŋmàntī nì Maat 3.4, Maar 1.6..» Niinee ubɔti téeń yii: «Utiiseebeeja Eelii dee!»

Akasiyasi tú binib bí cúú Eelii

9Ubɔti dū ujanjakpil un kpòotī bijanjaliibi imuŋku ili nì saalaayee nì u-janjaliibi ki tú bí cúuń Eelii. Eelii nìn jɔ́m̀ ki kā dijool diba yilpu ní bíǹ nín jɔ́ḿ u-cee. Bi bàn̄ u-ceeyee ní ujanjakpilee bí-u yii: «Unimbɔti bɔnaatiliu, ubɔti tīī mara yii á kpákatiń!» 10Ama ní Eelii kíí-u yii: «M yaa lafun sá Unimbɔti bɔnaatiliu, ŋŋmi ń nyānní yilpu kí dāá wà kí céetí sii nì a-janjaliibi imuŋku ili nì saalaa nee#1.10 Dūú ŋmàntī nì Luuki 9.54.!» Dicilpu niin ní ŋŋmi nyánní yilpu ki wùn̄ ujanjakpilee nì u-janjaliibi imuŋku ili nì saalaayee.

11Ní ubɔti tí dū ujanjakpil ubɔ mun, u mun kpòotī bijanjaliibi imuŋku ili nì saalaa nì u-janjaliibi ki tú Eelii cee. Bi bàn̄ee ní ujanjakpilee bí Eelii yii: «Unimbɔti bɔnaatiliu, ubɔti bí yii á ŋá malaa kí kpákatiń!» 12Ama ní Eelii kíí-u yii: «M yaa lafun sá Unimbɔti bɔnaatiliu, ŋŋmi ń nyānní yilpu kí dāá wà kí céetí sii nì a-janjaliibi imuŋku ili nì saalaa nee!» Dicilpu niin ní Unimbɔti yāntì ŋŋmi nyánní yilpu ki wùn̄ ujanjakpilee nì u-janjaliibi imuŋku ili nì saalaayee.

13Ní ubɔti gíti tí dū ujanjakpil utataati ubɔ mun, u mun kpòotī bijanjaliibi imuŋku ili nì saalaa nì u-janjaliibi ki tú. Bi nín jɔ́ḿ ki bàn̄ Eelii ceeyee ní ujanjakpilee tātìi gbāaǹ Eelii nimbiin ní ki gbāam̀-u ki lī yii: «Unimbɔti bɔnaatiliu, taa lēē man nì m-janjaliibi imuŋku ili nì saalaa nee maŋfal! 14M nyí ŋŋmi nín nyánní yilpu ki wùn̄ ki céetì bijanjakpilib bili bin péé péé ki dɔ́miń dooyee nì bi-janjaliibee. Ama m gbàam̄-si ní, taa lēē m-maŋfal!» 15Niinee ní ti-Dindaan tuuŋŋu ŋubɔ bí Eelii yii: «Taa fàŋkì, yīkì kí táá-u ní kpákatí.»

Niinee ní Eelii yíkì u nì ujanjakpilee kpákatì dijoolee pu ki nín cá ubɔti cee 16ki bí-u yii: «Kpèè ti-Dindaan nín sòon̄ puee sèé: <A nín ŋá pu ki tú binib bí cùú bàlifì Eekrɔn yab waal Baal-Seebuul, a lì kii Unimbɔti kaa bí Isirayeel beelin bí bàlifèe puee, aa làá kpákatí kilambaŋ kin pu a dɔ̄ nee, a làá pée kpú ní!>» 17Akasiyasi nìn lafun kpíì ki nóó nì Unimbɔti nín dī Eelii pu ki sòon̄ tiŋyee. Waa nìn cáá jipɔɔn, míǹ puee u-naal Jooram di nìn fōō u-yil ki kpántì ubɔti, Juuda bɔtiu Joosafaati jipɔɔn Jooram nín jíń dibeelee binliliitiil poon.

18Akasiyasi tuuŋŋi ŋin kíǹ u túńee kɔkɔ ŋmàn̄ ki kā Isirayeel yab bɔtiibi tuuŋŋi gbɔŋkun.

Currently Selected:

2 Rois 1: BASSARDC

Highlight

Copy

Compare