1 Chroniques 6

Leefii naantiibi bin kíǹee

1Leefii jipɔmbi#6.1 Tigbɔn tiba poonee, 6.1-66 sá 6.16-81. di sá Geersɔm nì Keeyaati nì Meerarii. 2Geersɔm jipɔmbi di sá Liibinii nì Simeeyii. 3Keeyaati jipɔmbi di sá Amiiraam nì Isaar nì Eebrɔn nì Usiyeel. 4Meerarii jipɔmbi di sá Maalii nì Musii. Leefii naakookun yab naanjab yiŋŋi dee, ki nóó nì bi nín pēē pēē mmaal puee.

5Geersɔm niboolii di sá u-jipɔɔn Liibinii nì u-naantiibi Jaati nì Siimina, 6nì Joowa nì Idoo nì Seera nì Jootiraayi.

7Keeyaati niboolii di sá u-jipɔɔn Amiinadaab nì u-naantiibi Koora nì Asiir, 8nì Eelkana nì Eebiyasaafi nì Asiir, 9nì Taati nì Uriyeel nì Usiya nì Saawuul.

10Eelkana jipɔmbi biba mun di sá Amasaayi nì Ayiimooti, 11nì Eelkana. Eelkana naantiibi di sá Soofaayi nì Naati, 12nì Eeliyaab nì Jeeroowaam nì Eelkana. 13Samiyeel jipɔŋkpiliu di sá Jooweel, ní u-jipɔnliliitiu sá Abiiya. 14Meerarii niboolii di sá u-jipɔɔn Maalii nì u-naantiibi Liibinii nì Simeeyii nì Usa, 15nì Siima nì Agiiya nì Asaaya.

16Daafiidi nìn lēē Leefii naantiibi biba bí nīn bí dilaŋgaal tundin ti-Dindaan Diikun, ŋyunti ŋun bi nìn cáań Dipoondi Dakaau ki kɔ́ǹ ki síiǹ niinee. 17Kí wàatī Saloomɔn ń mā Unimbɔti diiku Jeerusaleem tiŋkinee, binib gbanti di nìn pée yūlifí circir kɔŋkooŋŋu nyɔkɔpu ki gà ilan, ki nóó nì marab bin bi nìn síiǹ-bee. 18Binib bin bi nìn lēē bí nīn bí dilaŋgaal tundi gbantinee nì bi-jipɔmbi yiŋŋi sɔ̀.

Keeyaati maaliŋu poonee, ulaŋgaakpil di sá Jooweel jipɔɔn Eeman. U-naanjab di sá Samiyeel, 19nì Eelkana nì Jeeroowaam nì Eeliyeel nì Toowa, 20nì Suufi nì Eelkana nì Maati nì Amasaayi, 21nì Eelkana nì Jooweel nì Asariya nì Seefaniya, 22nì Taati nì Asiir nì Abiyasafi nì Koora, 23nì Isaar nì Keeyaati nì Leefii nì Jaakɔb.

24Eeman nabiki kin yūlifí u-ŋaŋgiil pú bi gà ilanee di sá Beereekiya jipɔɔn Asaafi. Úǹ naanjab di sá Simeeya, 25nì Miikayeel nì Baseeya nì Maalkiya, 26nì Eetinii nì Seera nì Adaaya, 27nì Eetan nì Siima nì Simeeyii, 28nì Yaati nì Geersɔm nì Leefii.

29Bi-nabiyaamu Meerarii maaliŋun yab di yūlifí bi-ŋaŋgan pú ki gà ilan. Bi-laŋgaakpiliu di sá Kiisi jipɔɔn Eetan. Eetan naanjab di sá Abidii nì Maluuki, 30nì Asabiya nì Amasiya nì Ilikiya, 31nì Amisii nì Banii nì Seemeer, 32nì Maalii nì Musii nì Meerarii nì Leefii.

33Bi-nabiyaamu Leefii naakookun yab bin kíǹee di tūǹ atuun ŋin kɔkɔ sá bí tɔ̄ circir kɔŋkooŋŋun, Unimbɔti diikunee.

34Aarɔn nì u-dicaŋkun yab tundi di nìn sá bí nīn ŋáań saraabi saraawɔkaa faŋŋu pu, ki tùutī talaalutuukaa talaalu saraafaŋŋu pu. Bíǹ di nìn kpèé tin kɔkɔ bi nìn dūu sú Unimbɔtee. Bi nìn tí ŋáań ikpiti pɔ̄tam koobiliŋ nín sá puee Isirayeel yab yil pu ki nóó nì Unimbɔti tɔntɔnliu Mooyiisi nín yóoǹ yii bí nīn ŋáań puee. 35Aarɔn dicaŋkun yab di sá u-jipɔɔn Eeleeyasaar nì u-naantiibi Piinaasi nì Abiisuwa, 36nì Bukii nì Usii nì Seeraya, 37nì Meerayooti nì Amaariya nì Ayiituub, 38nì Saadooki nì Ayiimaasi.

Ntimu mun bi nìn tīī Leefii yabee

39Ntimu mun bi nìn tīī Aarɔn naantiibi bin sá Keeyaati maaliŋun bí nīn kóòyee sèé. Bi nín nìn tɔ́ kasi kí yàkatī ntimuee, Keeyaati maaliŋun yab gbanti yiŋŋi di nìn péé péé ki nyáń. 40Bi nìn tīī-bi Juuda tiŋki Eebrɔn nì kupikpaapɔɔu kun nìn māntìi tú-kèe kɔkɔ. 41Ama ní ki dū Eebrɔn sati nì ntimbilimu mun bí ki-taapuee ki tīī Jeefunee jipɔɔn Kaleeb. 42Ntimu mun bi nìn tīī Aarɔn naantiibi án nīn sá-bi ntimu mun unil yaa kaa nyí ki kūū u-juti ú sāǹ kí kɔ́ee#6.42 Kpèè Joos 20.1-6. di sá Eebrɔn tiŋki nì Liibina tiŋki nì ki-sati, nì Jatiir tiŋki, nì Eesiteemoowa tiŋki nì ki-sati, 43nì Ileesi tiŋki nì ki-sati, nì Deebiir tiŋki nì ki-sati, 44nì Asaan tiŋki nì ki-sati, nì Beeti-Seemeesi tiŋki nì ki-sati. 45Bi nìn lēē Beenjameen naakookun yab tinjandi pu ntimu ki kútì-bi. Ntimu gbanti di sá Geeba tiŋki nì ki-sati, nì Aleemeeti tiŋki nì ki-sati, nì Anatooti tiŋki nì ki-sati. Bi nín pēē pēē mmaal puee, ntimu mun bi nìn tīī-bee nìn nyáń saalaa nì muta ní.

46Bi nìn gíti tɔ́ kasi ní Keeyaati maaliŋun yab bin kíǹee fōō ntimu saalaa Eefiraayiim nì Daani naakɔti nì Manasee naakooku dijandi din bí ŋwìiń jeetilaŋki púee yab timmu poon. 47Bi nìn lēē Isakaar nì Aseer nì Neefitalii naakɔtin nì Manasee naakookun yab dijandi din nìn kóò Baasan tiŋkinee poon ntimu saalaa nì muta ki tīī Geersɔm naantiibi. 48Bi gíti tɔ́ kasi ní ki lēē Rubeen nì Gaadi nì Sabulɔn naakɔti yab tinjaŋŋi poon ntimu saalaa nì muli ki tīī Meerarii naantiibi. 49Isirayeel yab nìn dū ntimu gbanti ki kpáaǹ mu-sati kɔkɔ ki tīī Leefii yab. 50Bi nìn tɔ́ kasi ní ki lēē Juuda nì Simeeyɔn nì Beenjameen naakɔtin yab timmu mun bɔti ti sòon̄ee ki tīī Leefii yab.

51Eefiraayiim naakookun yab tinjandi poon ní bi nìn lēē ntimu ki tīī Keeyaati maaliŋun yab bin kíǹee. 52Ntimu mun poon unil yaa kaa nyí ní kūū u-juti u ŋūǹ kí sāǹ kí kɔ́ee, mun bi nìn tīī-bee di sá Siikeem tiŋki kin bí Eefiraayiim jool puee nì ki-sati, nì Geeseer tiŋki nì ki-sati, 53nì Yɔkineeyam tiŋki nì ki-sati, nì Beeti-Oorɔn tiŋki nì ki-sati, 54nì Ayalɔn tiŋki nì ki-sati, nì Gaati-Riimɔn tiŋki nì ki-sati. 55Manasee naakooku dijandi din bí ŋwìiń jeetilaŋki púee tinjandi poonee, bi nìn tīī-bi Aneer tiŋki nì ki-sati, nì Biileeyam tiŋki nì ki-sati.

56Manasee naakooku dijandi din bí Jɔɔdan buŋŋu ŋwìiń nyalaŋki púee tinjandi poonee, bi nìn tīī Geersɔm maaliŋun yab Goolan tiŋki kin bí Baasan tiŋkinee nì ki-sati, nì Asitarooti tiŋki nì ki-sati. 57Isakaar naakookun yab tinjandi poonee, bi nìn tīī-bi Keedeesi tiŋki nì ki-sati, nì Dabeerati tiŋki nì ki-sati, 58nì Ramooti tiŋki nì ki-sati, nì Aneem tiŋki nì ki-sati. 59Aseer naakookun yab tinjandi poonee, bi nìn tīī-bi Masaal tiŋki nì ki-sati, nì Abidɔn tiŋki nì ki-sati, 60nì Ukooki tiŋki nì ki-sati, nì Reewoob tiŋki nì ki-sati. 61Neefitalii naakookun yab tinjandi poonee, bi tīī-bi Keedeesi tiŋki kin bí Galiilee tiŋkinee nì ki-sati, nì Amɔn tiŋki nì ki-sati, nì Kiiriyatayiim tiŋki nì ki-sati.

62Sabulɔn naakookun yab tinjandi poonee, bi nìn tīī Meerarii maaliŋun yab bin kíǹee Riimoonoo tiŋki nì ki-sati, nì Tabɔɔr tiŋki nì ki-sati. 63Jɔɔdan buŋŋu ŋwìiń nyalaŋki pú, Jeeriikoo tiŋki caŋinee, bi nìn tīī-bi Rubeen naakooku yab tinjandi poon Beeseer tiŋki kin bí kuteeunee nì ki-sati, nì Yaasa tiŋki nì ki-sati, 64nì Keedeemooti tiŋki nì ki-sati, nì Meefaati tiŋki nì ki-sati. 65Gaadi naakookun yab tinjandi poonee, bi nìn tīī-bi Ramooti tiŋki kin bí Galaadi tiŋkinee nì ki-sati, nì Maanayiim tiŋki nì ki-sati, 66nì Eesbɔn tiŋki nì ki-sati, nì Jaseer tiŋki nì ki-sati.

Currently Selected:

1 Chroniques 6: BASSARDC

Highlight

Copy

Compare