1 Chroniques 7

Isakaar naakookun yab

1Isakaar nìn cáá jipɔmbi binaa ní. Bíǹ di sá Toola nì Puuwa nì Jasuub nì Simroon. 2Toola jipɔmbi di sá Usii nì Reefaya nì Jeeriyeel nì Yaamayi nì Yibisam nì Seemiyeel. Bíǹ di sá Toola maaliŋun dicaŋŋi kpilib, ní ki nìn sá bibaatandambi bi-dicaŋŋi poon. Ubɔti Daafiidi yuntiŋuee, Toola maaliŋun yab gbanti nìn sá binib kutukub mmuŋku nì bili nì binib alaataa aluu ní. 3Usii jipɔɔn di sá Isiraya ní Isiraya jipɔmbi sá Miikayeel nì Oobadiya nì Jooweel nì Isiya. Bi-ŋmootil nìn sá adican kpilib ní. 4Bi-dicaŋkun yab nìn cáá binimpoobi nì jipɔmbi tikpil. An puee, an nìn sá bí tīī binib kutukub mmuŋku nì saalaa nì biluu bin bàn̄ kí cù kujaauee.

5Bi nín kàan̄ Isakaar naakookun yab bin sá bibaatandambee, bi nìn nyáń binib kutukub imuŋku inaa nì biluli ní.

Beenjameen nì Neefitalii naakɔtin yab

6Beenjameen nìn cáá jipɔmbi bita ní. Bíǹ di sá Beela nì Beekeer nì Yeediyeel. 7Beela naantiibi di sá Eesbɔn nì Usii nì Usiyeel nì Yeereemooti nì Irii. Bibaatandambi gbanti kɔkɔ nìn sá bi-dicaŋŋi kpilib ní. Bi nín kàan̄-bee, bi-kɔkɔ nìn nyáń binib kutukub mmuŋku nì bili nì binib mmuŋku nì saalaa nì binaa ní. 8Beekeer naantiibi di sá Seemiira nì Joowaasi nì Eeliyeeseer nì Eeliyooweenayi nì Oomirii nì Jeereemooti nì Abiiya nì Anatooti nì Aleemeeti. Beekeer dicaŋkun yab di sá bíǹ gbanti kɔkɔ. 9Bi sá bibaatandambi ní ki sá bi-dicaŋŋi kpilib mun. Bi nín kàan̄ bi-nibee, bi nìn nyáń binib kutukub mmuŋku nì binib alaataa ali ní. 10Yeediyeel jipɔɔn di sá Biilan ní Biilan jipɔmbi sá Jeewusi nì Beenjameen nì Eewuudi nì Keenaana nì Seetan nì Taarsiisi nì Ayiisakaar. 11Yeediyeel maaliŋun yab gbanti kɔkɔ sá bibaatandambi ní ki sá bi-dicaŋŋi kpilib mun. Bi-dicaŋŋi nib bin nìn bàn̄ kí cù kujaauee nìn sá binib kutukub saalku nì bili nì binib alaataa ali ní.

12Iir jipɔmbi di sá Supiim nì Upiim, ní Ayeer jipɔɔn sá Usiim.

13Neefitalii jipɔmbi di sá Yaasiyeel nì Gunii nì Saluum. Bi-na di sá Biila#7.13 Biila : kpèè Diny 30.7-8..

Manasee naantiibi bin bí Jɔɔdan buŋŋu ŋwìiń jeetilaŋki púee

14Manasee jipɔmbi di sá Asiriyeel nì Makiir bin u-nimpuwaaki kin sá Aram tiŋkinee nìn màl̄-uee. Makiir di màl̄ Galaadi. 15Makiir nìn cáá unimpu ki tīī Upiim nì Supiim. Makiir nìn cáá niisal ubɔ bi yíì-u Maaka. U nìn gíti cáá jipɔnliliiti bi yíì-u Seeloofaadi, ama úǹ nìn pée màl̄ mbinimpubiyaamu ŋma ní. 16Makiir nimpuu Maaka nìn màl̄ kibininjabiki ní ki pú-kì diyindi yii Peereesi. U nìn gíti màl̄ kibininjabiki ní ki pú kíǹ diyindi yii Seereesi. Seereesi di màl̄ Ulam nì Reekeem, 17ní Ulam màl̄ Beedan.

Makiir jipɔɔn Manasee naantiiu Galaadi maaliŋun yab dee.

18Galaadi niisal Amɔleekeeti di màl̄ Isoodi nì Abiyeeseer nì Maala. 19Seemiida#7.19 Seemiida : Dikà 26.32, Joos 17.2. jipɔmbi di sá Ayan nì Seekeem nì Liikii nì Aniiyam.

Eefiraayiim naakookun yab

20Eefiraayiim naakookun yab di sá u-jipɔɔn Suteela nì u-naantiibi Beereedi nì Taati nì Eelaada nì Taati, 21nì Sabaadi nì Suteela nì Eeseer nì Eelaadi. Eefiraayiim jipɔmbi Eeseer nì Eelaadi nìn cūtì kí gbìntī Gaati yab waŋkuti ní bíǹ kūuń-bi. 22Bi-baa Eefiraayiim súń bi-kpool ki yúntì tikpil, ní u-nabiyaamu dɔ́miń ki sɔ̄ŋkì u-pɔbil. 23Boonee ní Eefiraayiim nì u-nimpuu fātìi kpáfì ní u-nimpuu màl̄ kibininjabiki ní u pú-kì diyindi yii Beeriya, di sá yii «nnaabu nìn jéetì u-dicaŋku pu.» 24U-bisal Seera di náań Beeti-Oorɔn yilpu tiŋki nì taapu tiŋki, ní ki náań Useen-Seera tiŋki mun. 25U-naantiibi di gíti sá Reefa nì Reeseefi nì Teela nì Tayan, 26nì Laadan nì Amiiwuudi nì Eeliisama, 27nì Nuuni nì Joosuwa.

28Ditinjandi din Eefiraayiim yab fōō kí nīn kóòyee di sá Beeteel tiŋki nì ntimbilimu mun māntìi tú-kèe, nì Naaran tiŋki kin bí ŋwìiń nyalaŋki púee, nì Geeseer tiŋki kin bí ŋwìiń jeetilaŋki púee nì ntimbilimu mun māntìi tú-kèe, nì Siikeem nì Aya timmu nì ntimbilimu mun māntìi tú-muee.

29Manasee naakookun yab di yì Beeti-Seeyan nì Taanaki nì Meegiidoo nì Dɔɔr timmu, ki yì ki kpáaǹ ntimbilimu mun māntìi tú-muee kɔkɔ.

Ntimu gbanti ní Jaakɔb jipɔɔn Jooseefi naantiibi nìn kóò.

Aseer naakookun yab

30Aseer jipɔmbi di sá Imina nì Isifa nì Isifii Beeriya, bi-niisal di sá Seera. 31Beeriya jipɔmbi di sá Eebeer nì Malkiyeel. Malkiyeel di sá Biirisayiiti baa. 32Eebeer di màl̄ Jafileeti nì Soomeer nì Ootam nì bi-niisal Suuwa. 33Jafileeti jipɔmbi di sá Pasaki nì Biimaal nì Asifaati. 34Seemeer jipɔmbi di sá Ayii nì Rooga nì Uba nì Aram. 35U-nabiki Eeleem jipɔmbi di sá Soofa nì Irima nì Seeleesii nì Amaal. 36Soofa jipɔmbi di sá Suuwa nì Arineefeer nì Suwaal nì Beerii nì Imira, 37nì Beeseer nì Oodi nì Sama nì Siileesa nì Itiran nì Beera. 38Jeeteer jipɔmbi di sá Jeefunee nì Piispa nì Eera.

39Ula jipɔmbi di sá Ara nì Aniiyeel nì Riisiya.

40Aseer naantiibi di sá binib nee kɔkɔ. Bi nìn sá adican kpilib nì bibaatandambi bin nyáń diyindee. Bi nín kàan̄ bi-nib kɔkɔee, bin nìn bàn̄ kí cù kujaauee nìn sá binib kutukub mmuŋku nì biluu ní.

Currently Selected:

1 Chroniques 7: BASSARDC

Highlight

Copy

Compare