1 Chroniques 4

Juuda naantiibi bin kíǹee

1Juuda naantiibi di gíti sá Peereesi nì Eesirɔn nì Kaarmii nì Uur nì Soobaal. 2Soobaal jipɔɔn Raaya di màl̄ Yakaati, ní Yakaati màl̄ Akumayi nì Lakaadi. Bíǹ di sá Soora tiŋki yab naanjab ki nóó nì bi nín pēē pēē mmaal puee.

3Jisirayeel nì Isima nì Idibasi di náań Eetaam tiŋki. Bi-niisal di sá Asileelpoonii. 4Eefiraata jipɔŋkpiliu Uur di náań Beetileem tiŋki. Úǹ nìn màl̄ mbininjabiyaamu: Peenuyeel un náań Geeduur tiŋkee nì Eeseer un náań Usa tiŋkee.

5Aseewuur di náań Teekoowa tiŋki. U nìn cáá binimpoobi bili ní. Bi yíì ubɔ Eela ní ki yíì un kíǹ Naara. 6Naara nìn màl̄-u Awusam nì Eefeer nì Teeminii nì Akastarii. Naara jipɔmbi dee. 7Eela jipɔmbi di sá Seereeti nì Soowaar nì Eetinan.

8Kɔɔsi di màl̄ Anuub nì Soobeeba ní ki sá Aruum jipɔɔn Areeyeel maaliŋun yab naanja.

9Jabeesi nìn cáá tinyool ki jítiǹ u-mambi nì u-naalib bin kíǹee kɔkɔ. Di sá yii u-na nín màl̄-uee, u pú-u diyindi yii Jabeesi ki lī yii: «An píĺ-mi ní m nín màl̄-u.» 10Dalbee ní Jabeesi mēē Isirayeel Nimbɔtiu ki lī yii: «A yaa lafun yú m-boon, á yàntī m-tinjandi ń wàan̄ kí kūtì. Wúń m-pu, ní kí jà nnaabu nì dinimbinaamandi kí wàatī-mi.» Unimbɔti nìn kíí ki ŋá tin Jabeesi mēē-uee ki tīī-u.

11Suuwa naal Keeluub di màl̄ Meekiir ní Meekiir màl̄ Eesitɔn. 12Ní Eesitɔn màl̄ Beeti-Raafa nì Paseeya nì Teekiina un náań Iir-Naasi tiŋkee. Bi-naantiibi nìn kāl̀ Reeka tiŋkin ní.

13Keenaasi jipɔmbi di sá Ootiniyeel nì Seeraya. Ootiniyeel jipɔmbi di sá Ataati nì Meeyɔnootayi. 14Meeyɔnootayi di màl̄ Oofiraa. Seeraya di màl̄ Joowaab un sá binib bin tūǹ ŋŋal pu tundi ki kóò Iŋal pu tɔntɔnliibi tantakalinee naanja.

15Yeefunee jipɔɔn Kaleeb jipɔmbi di sá Iruu nì Eela nì Naam. Eela jipɔɔn di sá Keenaasi.

16Yaleeleel jipɔmbi di sá Siifi nì Siifa nì Tiiriya nì Asareeyeel.

17-18Eesiraasi jipɔmbi di sá Yeeteer nì Meereedi nì Eefeer nì Yalɔn. Meereedi nìn cáá Eejipiti bɔtiu bisal Biitiya. Biitiya nìn màl̄-u Miiriyam nì Samayii nì Iseeba un náań Eesiteemoowa tiŋkee. Meereedi nìn gíti cáá unimpu ubɔ, u sá kijuudabiki. Úǹ di màl̄-u Yeereedi un náań Geedɔɔr tiŋkee, nì Eebeer un náań Sookoo tiŋkee, nì Yeekutiyeel un náań Sanoowa tiŋkee.

19Oodiya nìn cáá Naam niisal ubɔ. U-niboolii di sá Garimii maaliŋun yab bin kóò Keeyiila tiŋkinee nì Maaka maaliŋun yab bin kóò Eesteemoowa tiŋkinee.

20Siimɔn jipɔmbi di sá Aminɔn nì Riina nì Been-Anaani nì Tiilɔn. Iseeyii jipɔmbi di sá Sooweeti nì Been-Sooweeti.

21Juuda jipɔɔn Seera niboolii di sá Eer un náań Leeka tiŋkee, nì Laada un náań Mareesa tiŋkee, nì bin lù agbanjoo satab ki kóò Beeti-Asbeeya tiŋkinee maaliŋun yab, 22nì Yookiim nì binib bin kóò Kooseeba tiŋkinee nì Joowaasi nì Saraafi timmu. Binib gbanti nìn cáá Moowaab sapɔmbi ní ki nín dɔ́miń ki kāl̀ Beetileem tiŋkin. 23Bi-naantiibi nìn sá biyɔɔmaatiibi ní. Bi nìn kóòń Neetayiim nì Geedeera timmun ní ki tūǹ ditundi ki tìì ubɔti.

Simeeyɔn naantiibi

24Simeeyɔn jipɔmbi di sá Neemuyeel nì Yamiini nì Yariib nì Seera nì Saayuul. 25Saayuul maaliŋun yab di sá Saluum nì Miibsam nì Miisima. 26Miisima maaliŋun yab di sá Miiseema jipɔɔn Amuyeel nì Amuyeel jipɔɔn Sakuur nì Sakuur jipɔɔn Simeeyii. 27Simeeyii màl̄ mbininjabiyaamu saalku nì kiba nì nnimpubiyaamu muluu ní, ama ní u-nabiyaamu kaa màl̄ mbininjabiyaamu tikpil. An pu ní Simeeyɔn naakookun yab kaa wíiǹ ki bàn̄ Juuda naakookun yab.

28Ntimu mun bi nìn kóòyee di sá Beerseeba nì Moolada nì Asaar-Suwaal, 29nì Biila nì Eeseem nì Toolaadi, 30nì Beetuweel nì Ɔrima nì Siikilaagi, 31nì Beeti-Markabooti nì Asaar-Susiim nì Beeti-Biirii nì Saarayiim. Ntimu gbantin ní bi nìn kóò áli Daafiidi dāa kpántì ubɔti. 32Bi nìn gíti kóò Eetaam nì Ayiin nì Riimɔn nì Tookeen nì Asaan timbilimmun. Mu nìn nyáń ntimbilimu muŋmoo ní, 33ki kpáaǹ ntimbilimu mun māntìi tú-muee, ki tin cáa sāā Balaati tiŋki. Ntimu gbantin ní bi nìn kóò. Bi nìn ŋmàn̄ bi-dicaŋŋi kpilib yiŋŋi ki ŋá dikàandi gbɔŋkun.

34Simeeyɔn naakookun yab nín pēē pēē mmaal puee tindaŋkpilib di sá Meesoobaab nì Jamileeki nì Amasiya jipɔɔn Joosa, 35nì Jooweel nì Joosiiba jipɔɔn Jeewuu un sá Seeraya naantiiu nì Asiyeel naantitɔntɔkɔlee, 36nì Eeliyooweenayi nì Jakooba nì Jeesoowaya nì Asaya nì Adiyeel nì Jeesimiyeel nì Beenaya, 37nì Siifeeyii jipɔɔn Siisa. U-naanjab di sá Alɔn nì Yeedaya nì Simrii nì Seemaya. 38Bin yiŋŋi bi dáá yíiń nee nìn sá bi-maaliŋu poon kpilib, ní bi-dicaŋŋi nib nìn būtì tiŋan tiŋan pu. 39An pu ní bi nìn kpátìi gbí an kɔkɔ áli ki tin dūu gūū Geedɔɔr tiŋki, ditantakal ŋwìiń nyalaŋki pú, ki nyàab̀ kupikpaapɔɔu kí kpàà bi-piii. 40Niin ní bi ká kupikpaapɔɔu kumɔntiiu timool bí ki sɔ̀m̀ fílfil. Kitiŋ gbanti nìn wāā ní ŋgbansɔŋfi bí ki-pu. Cannaakuee, Kaam naantiibi di nìn kóò niin. 41Ama ŋyunti ŋun Eeseekiyaasi nìn sá Juuda bɔtiuee ní bikpilib bin yiŋŋi ti dáá yíiń nee dūu bāań kitiŋ gbantin. Bi nìn nāaǹ tantib nì ikɔŋkoon laakin Kaam yab nìn kóòyee. Bi nìn kūū ki céetì bi-nib kɔkɔ ní báà ubɔ kaa ti kíǹ ki dāa sāā díǹ. Niinee ní bíǹ fōō bi-tiŋki ki kíǹ ki kóò, kun puee kupikpaapɔɔu nìn bí niin bí kpàà bi-piii.

42Simeeyɔn naakookun yab binib alaataa aŋmoo nìn yíkì ki nín jɔ́ḿ Seeyiir jool pu. Isii jipɔmbi Peelatiya nì Neeyariya nì Reefaya nì Usiyeel di nìn sá bi-yidambi. 43Bi bàn̄ee ní ki púntìi kūū ki céetì Amaleeki yab bin nìn sáǹ ki ŋmátì ki cūtìi kā niinee, ní ki fōō mpaan ki kāl̀. Bi-naantiibi dáá gbíntìi bí niin ki dāa sāā díǹ.

Currently Selected:

1 Chroniques 4: BASSARDC

Highlight

Copy

Compare