1 Chroniques 3

Daafiidi naantiibi

1Daafiidi jipɔmbi#3.1 B. 1-4: dūú ŋmàntī nì 2 Sami 3.2-5, B. 5-8: dūú ŋmàntī nì 2 Sami 5.14-16. bin u màl̄ Eebrɔn tiŋkinee kansikinee, upeepeekaa di sá u-nimpuu Akiinoowam un sá Jisirayeel tiŋkinee jipɔɔn Aminɔn. Uliliiti di sá u-nimpuu Abiigayiil un sá Kaarmeel tiŋkinee jipɔɔn Daniyeel. 2Utataati di sá u-nimpuu Maaka un sá Geesuur bɔtiu Talimayi bisalee jipɔɔn Abisaloom. Unanaati di sá u-nimpuu Agiiti jipɔɔn Adooniyasi. 3Uŋmooŋmooti di sá u-nimpuu Abitaal jipɔɔn Seefatiya. Ululuuti di sá u-nimpuu Eegila jipɔɔn Itireeyaam. 4Daafiidi màl̄ u-jipɔmbi luutil gbanti Eebrɔn tiŋkin ní, ŋyunti ŋun u nìn kāl̀ kitiŋ gbantin abin aluli nì iŋmal iluu ki jíń dibeelee. Boon ní u nìkī ki cūtìi kāl̀ Jeerusaleem tiŋkin abin mmuŋku nì saalaa nì abin ata ki jíń dibeel#3.4 Kpèè 29.27, 2 Sami 5.4-5, 1 bib 2.11.. 5Jeerusaleem tiŋkin niin ní u-nimpuu Batiseeba, Amiyeel bisal màl̄-u mbininjabiyaamu munaa. Múǹ di sá Simeeya nì Soobaab nì Naatan nì Saloomɔn#3.5 Kpèè 2 Sami 11-12.. 6Boonee ní u gíti màl̄ Ibaar nì Eeliisuwa nì Eel-Peeleeti, 7nì Nooga nì Neefeegi nì Jaafiya, 8nì Eeliisama nì Eeliyadaa nì Eeliifeeleeti. Bi nyáń binib biwa dee. 9Daafiidi jipɔmbi di sá bi-kɔkɔ, ní kí nín kūtì bin ní u-nimpuwaamu mun màl̄ màl̄-uee. Bi-niisal di sá Taamaar.

10Saloomɔn naantiibi di sá u-jipɔɔn Rooboowaam jipɔmbi Abiiya nì Asaa nì Joosafaati, 11nì Jooram nì Akasiyasi nì Joowaasi, 12nì Amasiyaawuu nì Asariyasi#3.12 Asariyasi : kpèè 2 Bib 14.21. nì Yootam, 13nì Akaasi nì Eeseekiyaasi nì Manasee, 14nì Amɔn nì Joosiyaasi. 15Joosiyaasi jipɔŋkpiliu di sá Yoowanan, u-jipɔnliliitiu di sá Yooyakiim, utataati di sá Seedeekiyasi, ní unanaati sá Saluum#3.15 Saluum : kpèè Yeer 22.10-11.. 16Yooyakiim jipɔɔn di sá Jeekooniya#3.16 Jeekooniya ní bi gíti yíiń Yooyakiin 2 Bib 24.6,8-17. ní u-naantiiu sá Seedeekiyasi.

17Jeekooniya un bi nìn cúú ki cūnnì kuyuŋuee jipɔɔn di sá Saltiyeel, 18ní u-naantiibi sá Malkiiraam nì Peedaya nì Seenasaar nì Jeekamiya nì Oosama nì Neebadiya. 19Peedaya jipɔmbi di sá Sooroobabeel nì Simeeyii. Sooroobabeel jipɔmbi di sá Meesulam nì Ananiya, ní bi-niisal sá Seeloomiiti. 20U-jipɔmbi di gíti sá Asuuba nì Ookeel nì Beereekiya nì Asadiya nì Jusaab-Eeseedi. Bíǹ nyáń binib biŋmoo dee.

21Ananiya jipɔɔn di sá Peelatiya ní u-naantiibi sá Jeesaya nì Arinan nì Oobadiya nì Seekaniya. 22Seekaniya jipɔmbi di sá Seemaya nì Atuusi nì Igaal nì Bariya nì Neeyariya nì Safaati. Bi nyáń binib biluu dee. 23Neeyariya jipɔmbi di sá Eeliyooweenayi nì Isikiya nì Asiirikam. Bi nyáń binib bita dee. 24Eeliyooweenayi jipɔmbi di sá Ɔdafiya nì Eeliyasiib nì Peelaya nì Akuub nì Yoowanan nì Deelaya nì Ananii. Bi nyáń binib biluli dee.

Currently Selected:

1 Chroniques 3: BASSARDC

Highlight

Copy

Compare