สีง ฑูง 75
75
สีง ฑูง 75
ทิน-ฮู่ง ฒัด เอ๊าะ เมี่ยน เหฌี่ย, โป้ว คู้ เมี่ยน ฝาว
จิว ปุน ต้อ ฑูง เญย เมี่ยน. หล่ง “ไม้ ตู๋ง เหมียด” เญย โพว. อาสาบ โหฒ่ เญย สีง ฑูง. เหยียด ติ้ว ฑูง.
1โอ ทิน-ฮู่ง อ่า, เยีย บัว ตอ-เหฒี่ย เม่ย อ๊ะ.
เยีย บัว ตอ-เหฒี่ย เม่ย, เหว่ย หฒุ เม่ย#75:1 ฮิบลู หว่า ก๊อง เม่ย เญย เม่ง. เยียม นิด ฟัด.
เยีย บัว ฒุ่น ย่าง เม่ย โหฒว บัวะ ฮ่อง เญย สี่.
2ทิน-ฮู่ง ก๊อง, “หฒิว เยีย ตี่ง ต้าย เญย เฒี่ยง โห่
เยีย อ๋อย แป้ง ฟิม เญย เซี้ยม ฒุ์ย.
3ป้าม เกน เหธา เยียม ป้าม เกน เญย เหยียด ฒู้ง เมี่ยน ลู่งๆ ไล่ๆ วั้ว หฒั่น,
เซ เยีย กั้น ป๊า เจี๊ยน ป้าม เกน เญย เดี้ยว. เซลา
4เยีย ก๊อง บั๋ว เธง-โฮล เญย เมี่ยน, “ไม้ ตู๋ง เธง-โฮล.”
หย่า ก๊อง บั๋ว เอ๊าะ เมี่ยน, “ไม้ ตู๋ง ปู๋ง หว่า-เหมา.#75:4 ฮิบลู หว่า ก๊อง “ไม้ ตู๋ง โป้ว เม่ย เญย จอง.” น้าย โจ๋ว ฮิบลู หว่า เป๊ย เถา ปู๋ง หว่า-เหมา.
5ไม้ ตู๋ง ท่าย กั้น โฮล, ปู๋ง หว่า-เหมา,
ไฟ ง์อง เจี๊ยน จาง ก๊อง หว่า.”
6โป้ว เมี่ยน ฝาว ฮลัง ไม้ เฒ์ย เยียม ตง ปูง ไฟ ปูง ต้าย,
หย่า ไม้ เฒ์ย เยียม เต่ย-ปูง-ฮวาง ต้าย.
7เซ ทิน-ฮู่ง ตุ๋น สี่.
นิ่น ฒัด เหยียด เต้า เหฌี่ย ไอ๊, โป้ว เหยียด เต้า ฝาว ฮลัง.
8เหว่ย หฒุ เยียม เฒี้ยว เญย ปั์ว ม่าย นอม ฒ้าน,
ตั๊บ ปวั๊ง ม่าย บย์าว เญย ติ๊ว, เผว ตุ๊ หลง เญย.
นิ่น อ๋อย โต๋ ธ้วด ต้าย,
ป้าม เกน เญย เหยียด ฒู้ง เอ๊าะ เมี่ยน อ๋อย ฮบ ฆาย เหฑ่ง.
9มป่า เยีย นอ, เยีย อ๋อย เหยียด ลิ์ว ฒุ่น ย่าง น้าย เต๋ย สี่.
เยีย อ๋อย ป๋าว ฑูง เธง ยาโค้บ เญย ทิน-ฮู่ง.
10เยีย อ๋อย โหฒว หว่าย เอ๊าะ เมี่ยน เญย ชะ,
มป่า ปุน คู้ เมี่ยน เญย ชะ เฮ้น เจี๊ยน ฝาว.#75:10 ฟาน หฒะ ฮิบลู หว่า ก๊อง “เยีย อ๋อย ฮงะ ดุ๊ด เอ๊าะ เมี่ยน เญย จอง, แอ๋ง โป้ว คู้ เมี่ยน เญย จอง ฝาว ฮลัง”.
Currently Selected:
สีง ฑูง 75: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
