สีง ฑูง 76
76
สีง ฑูง 76
ยาโค้บ เญย ทิน-ฮู่ง ฮี่ง เจี๋ย เญย ชะ
จิว ปุน ต้อ ฑูง เญย เมี่ยน. อ๋อย หฒุ หล่ง พัด เญย จา-สี่. อาสาบ โหฒ่ เญย สีง ฑูง. เหยียด ติ้ว ฑูง.
1เยียม ยูดา เต่ย เมี่ยน ฮิ้ว ตุ๊ ทิน-ฮู่ง.
เยียม อิสะลาเอน นิ่น เญย เม่ง โฮล ไห่.
2เยียม ซาเลม#76:2 เซ เยลูซาเลม. นิ่น เหลียบ นิ่น เญย ด๊บ-ลิ่ว,
นิ่น เยียม เญย ต๋อง เซ สิโอน.
3เยียม วั้ว นิ่น ว้วด เน้า ม่าย โต์ว เญย ฟอง-ธัง,
ท้อง-ป้าย, หฑุ ด๊าว เหธา เหยียด ฒู้ง เบ๊าะ จ๋า เญย หวัวะ กิ่น. เซลา
4โอ ทิน-ฮู่ง อ่า, เม่ย หฒะเก้ง ฌัง-หล่าง ไห่.
เม่ย เก้า โฮล เก้า ฌัง-หล่าง เจี๋ย เหยียด ลิ์ว เยียม เญย บง.#76:4 ฮิบลู หว่า ก๊อง “ม่าย เฮยี่ย อ๊อ เญย บง-เก้ม”.
5นิ่น บัว เฮญี้ยว เฮ้น เญย เมี่ยน เญย กะน้าย ฒู้ง หฒุ ธ้าง เหฑ่ง.
นิ่น บัว ไต่ เหฑ่ง หมี่ อ๊ะ.#76:5 ฟาน หฒะ ฮิบลู หว่า ก๊อง “นิ่น บัว มฌ่อม นิ่น บัว ฆะฮ้า ลาย วั้ว หฑุ่น.” เหฑีย เป๊ย หฒุ นิ่น บัว ไต่ หมี่ อ๊ะ.
เบ๊าะ จ๋า เญย หฒวัง เมี่ยน,
ไม้ ม่าย หาย เต้า ไฮ่ เธา ตุ๊ ปั์ว เจี์ย อ๊ะ.
6โอ ยาโค้บ เญย ทิน-ฮู่ง อ่า, เม่ย หัด นิ่น บัว วั้ว หฒั่น
นิ่น บัว เญย ม์า เหธา เก้ ม์า เมี่ยน ฯฒฯ ไต่ หมี่ อ๊ะ.
7มป่า เมี่ยน กั้ม เหฑีย เญย เซ ขูง เม่ย กั้น ฮนั้ง.
เม่ย เฉีย เจี์ย เญย เฒี่ยง โห่ หาย เต้า ไฮ่ เยียม#76:7 ฮิบลู หว่า ก๊อง โซ้ว. เม่ย เญย หฑะเฮมียน?
8เม่ย เยียม กู้ หงว่าย ลู่ง ก๊อง เซี้ยม ฒุ์ย เญย หว่า,
ลู่ง เดี๊ย กั้ม เหฑีย, หย่า เซ้ก เหฑียะ เญย,
9ต้ง ทิน-ฮู่ง ต้าย ตี่ง ฒุ์ย,
อ๋อย เหฌียว เหยียด ฒู้ง เยียม ป้าม เกน หฒุ เหฒย เญย เมี่ยน. เซลา
10ป้าม เมี่ยน เฉีย เจี์ย, ไฮ่ ปุน เมี่ยน เก้า อ๋อย เธง เม่ย.
หฒุ เม่ย โน์ว เหฒ่ง เหฌี่ย เญย เมี่ยน,
อ๋อย เยียม นิด ฟัด เม่ย.
11เม่ย บัว อ๋อย หฒุ แล์ง แหง่ง หว่า ปุน เฒี้ยว, เม่ย บัว เญย ทิน-ฮู่ง, หย่า เอย เจี๊ยน น้าย เต๋ย แล์ง เญย หว่า โหฒว.
อ๋อย หฒุ ปุน เว่ย ก๋อม เญย เมี่ยน ต้อ ฒี่ง เหญ่ย ต้าย
ปุน เมี่ยน อ๋อย หฒุ ท่าย เญย เฒี้ยว.
12นิ่น ฒัด เจี๊ยน โหฒว โฮล วั้ว เต๋ย เญย เฮญี้ยว,
ปุน ลู่ง เดี๊ย เญย ฮู่ง เตี๋ย กั้ม เหฑีย นิ่น.
Currently Selected:
สีง ฑูง 76: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
