สีง ฑูง 74
74
สีง ฑูง 74
เต๋า เก๋า โจ้ว ทิน-ฮู่ง เหฌียว, ไม้ ปุน หฒุ วิน-วั้ง เบ๊าะ เต่ย-ปูง หว่าย
อาสาบ โหฒ่ เญย มัดคิน ฑูง.
1โอ ทิน-ฮู่ง อ้า! เม่ย เหว่ย หาย ติ่ว เหยียด ลิ์ว กวั่ง เยีย บัว?
เม่ย เหว่ย หาย ติ่ว เฉีย เจี์ย เม่ย เญย ยู่ง เธี้ยง เญย ปะกี ยู่ง ฮนั้ง ธ้วด โต์ว-เสียว?
2โท้ เม่ย จั๋ง เจี๊ยน เม่ย โล์-ฮนอย กิ๊น ต้าย เญย แปะ ฝีง,
ต้ง เม่ย หฒัวะ หฑวน เหว่ย โหฒว เม่ย กั้น หฑิบ เญย ป่วน.
จั๋ง เจี๊ยน สิโอน บง, ต้ง เม่ย เยียม เจี๋ย เญย ต๋อง.
3โท้ เม่ย หลาม มี่ง หมั่ง น้าย เต๋ย เหยียด ลิ์ว ป่าย ฮวาง เญย ต๋อง.
วิน-วั้ง เหมียด เหฑ่ง เยียม สีง ติ่น เญย เหยียด ฒู้ง กะน้าย.
4เม่ย เญย วิน-วั้ง เยียม เม่ย เญย หวุ่ย ต้อง ชะ เห่ว.
นิ่น บัว เธีย นิ่น บัว กั้น เญย เก้ ฝาว เหว่ย โหฒว จั๋ง-โห่.
5ปวัด นิ่น บัว ฮนั้ง เมี่ยน เยียม หล่ม
ย่าม โป๊ว ฮงะ เดี๋ยง นอ.#74:5 น้าย เหยี่ยม เญย ฮิบลู หว่า อะ ตุ๊ เม่ง แปะ.
6เยียม สีง ติ่น กะญั์ว เหยียด ฒู้ง ติว ต้าย เญย เดี๋ยง,
นิ่น บัว หล่ง โป๊ว หล่ง เฒว่ย เบ๊าะ หว่าย เหฑ่ง.
7นิ่น บัว หล่ง โต์ว ปั๊ว เม่ย เญย สีง ติ่น เหฌี่ย เถา เดา,
นิ่น บัว ปุน เม่ย เญย เม่ง เยียม เญย ต๋อง ม่าย หวุย.
8นิ่น บัว เยียม เฮญี้ยว ฮนั้ม, “เยีย บัว อ๋อย ฮี่ง เจี๋ย เหฑ่ง นิ่น บัว.”
นิ่น บัว ฯฒฯ เฒาะ เยียม ก๋อม เต่ย-ปูง, ทิน-ฮู่ง เญย นอมๆ หวุ่ย ต้อง, ปั๊ว เหฑ่ง.
9เยีย บัว ไม้ ปวัด เยีย บัว เญย จั๋ง-โห่,
หย่า ไม้ เหฒ่ง เหยียด เต้า โต่ว หว่า เมี่ยน,
เยียม เยีย บัว บุด๋ง หย่า ไม้ ม่าย หาย เต้า ฮิ้ว ตุ๊ อ๋อย หฒุ ฮนั้ง น้าย นอ ด่ง หาย เล่า.
10โอ ทิน-ฮู่ง อ้า! วิน-จา อ๋อย ฮว้วด ด่ง หาย เล่า?
วิน-วั้ง อ๋อย เหยียด ลิ์ว ก๊อง โตะ เม่ย เญย เม่ง ไฟ?
11เม่ย เหว่ย หาย ติ่ว ญ้วด เจี๊ยน ปั์ว, เซ เม่ย เญย บย่าว เจี๊ยะ ปั์ว.#74:11 ฮิบลู หว่า เซ ไม้ หนั่ง เม่ง.
เม่ย เหว่ย หาย ติ่ว ไม้ เฒาะ ปั์ว เยียม หละค้วด ซูง ธ้วด ต้าย เหมียด นิ่น บัว?
12มป่า ทิน-ฮู่ง อ่า, เยียม โล์-ฮนอย ต้าย เม่ย โหฒว เยีย เญย ฮู่ง.
เม่ย เยียม ลู่ง เดี๊ย โหฒว กง เหว่ย เหฌียว เมี่ยน.
13เม่ย หล่ง เม่ย เญย ต้ม ชะ เฒาะ ค้อย ปุน ฆอย,#ธ้วด อียิบ 14:21
เบ๊าะ เยียม ค้อย กะญั์ว เญย จูง-ฮู่ง#74:13 จูง-ฮู่ง ไฟ เฮยี่ย ฒ่อย กะน้าย. เญย มฆ้อง ฮู้.
14เม่ย เฒี้ยน เลวีอาทาน เญย มฆ้อง ฮู้,
หย่า เฒาะ นิ่น จิว ปุน เยียม เต่ย-ปูง-ฮวาง เญย เฮยี่ย ฒ่อย#74:14 เฮยี่ย ฒ่อย ไฟ เมี่ยน. หญั่น.#โย้บ 41:1; สีง ฑูง 104:26; อิสะยา 27:1
15เม่ย ปุน ววม-ฒี้ง เหธา โด๊ะ เญย ววม เหลี่ยว ธ้วด.
หฒั่นๆ ม่าย ววม เหลี่ยว เจี๊ยน เญย ด้าย เม่ย ปุน ฆาย มี่ง.
16ลู่ง ฮนอย หฒั่น เป๋น เม่ย เญย, ลู่ง ม์วน หฒั่น หย่า เม่ย เญย.
เม่ย หลิ่ว เล์ย หฮลา เหธา บะฮนอย.
17เดา-เป้ย เญย เหยียด ฒู้ง กั๊บ-จ๋าย เซ เม่ย ตี่ง ต้าย.
เม่ย หย่า ปุน ม่าย ห่า เกว๋ย เหธา ตง เกว๋ย.
18โอ เฒี้ยว อ้า! โท้ เม่ย จั๋ง เจี๊ยน วิน-วั้ง ด่ง หาย ฮว้วด เม่ย.
เมี่ยน หฮงง เมี่ยน หย่า ก๊อง โตะ เม่ย เญย เม่ง.
19ไม้ ตู๋ง เฒาะ เม่ย เญย เหนาะ โฆ#74:19 เหนาะ โฆ เป๊ย นิ่น เญย แปะ ฝีง. เญย แหม่ง จิว ปุน เฮยี่ย ฒ่อย.
โท้ ไม้ ตู๋ง เหยียด ลิ์ว หละคุ เม่ย เญย เมี่ยน จ่ม เมี่ยน เญย แหม่ง.
20โท้ จั๋ง เจี๊ยน เม่ย เหลียบ เญย แหง่ง หว่า
เหว่ย หฒุ เดา-เป้ย นอมๆ หฮมวัง เญย ต๋อง ม่าย โหฒว โตะ
ห่อย เมี่ยน เญย สี่ ปวั๊ง เหฑ่ง.
21โท้ ไม้ ตู๋ง ปุน หฒุ เหฒย เญย เมี่ยน หฒุ ไญ้.
โท้ ปุน เมี่ยน จ่ม เมี่ยน เหธา ตั๋ง-ต๋น เญย เมี่ยน เธง เม่ย เญย เม่ง.
22โอ ทิน-ฮู่ง อ้า! โท้ เม่ย เจี์ย ต้าย ม่าะ! โท้ เหว่ย กั้น แหธง สี่.
จั๋ง เจี๊ยน เมี่ยน หฮงง เมี่ยน ฮนั้ง หาย นอ เฒี่ยง ฮนอย ฮว้วด เม่ย.
23ไม้ ตู๋ง หละคุ เม่ย เญย วิน-วั้ง ชะ เห่ว เญย เฉีย.
เซ เม่ย เญย วิน-จา ไม้ ตี้ง เลี่ยว เญย เหน่า เจี๊ยน เห่ว บุย เญย เฉีย.
Currently Selected:
สีง ฑูง 74: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
