สีง ฑูง 27
27
สีง ฑูง 27
เฒี้ยว โหฒว เยีย เญย ฌัง เหธา เหฌียว เยีย วั้ว เต้า
ดาวิด โหฒ่ เญย สีง ฑูง.
1 เฒี้ยว โหฒว เยีย เญย ฌัง เหธา เหฌียว เยีย วั้ว เต้า,
เยีย อ๋อย หฒุ กั้ม เหฑีย หาย เต้า?
เฒี้ยว เซ เยีย เญย แหม่ง เขา ว้วน เญย ต๋อง,
เยีย อ๋อย หฒุ กั้ม เหฑีย หาย เต้า?
2โหฒว เอ๊าะ เญย เมี่ยน ต้าย ห่อย เยีย,
อ๋อย หญั่น เยีย เญย อ๊อ เญย เฒี่ยง โห่,#27:2 เอ๋ย เล์ย เซ ก๊อง โตะ เยีย ไฟ “เป๊ด เยีย โหฒว เหฒีย เต๋ย”.
เซ เยีย เญย วิน-จา วิน-วั้ง ต้าย วั้ว หฒั่น,
นิ่น บัว อ๋อย ดิ๊ หฒุ ดอบ.
3ไม้ กุ๊น ม่าย จุน-แปง ต้าย เว่ย ก๋อม เยีย,
เยีย เญย เฮญี้ยว ไม้ กั้ม เหฑีย.
ไม้ กุ๊น หฒุ เบ๊าะ ต้ม จ๋า,
เยีย หธ่อ เขา ทิน-ฮู่ง.
4เยีย เถง เฒี้ยว โท้ ดุ หญู่ง ฮนั้ง,
วั้ว หญู่ง เยีย อ๋อย ล์อ,
เซ เยีย เหยียด ลิ์ว เหยียด เสย
อ๋อย เยียม เฒี้ยว เญย เปย๊า,
เยียม วั้ว หมั่ง เจี๊ยน เฒี้ยว ด่ง หน่าย หลง#27:4 ฟาน หฒะ ฮิบลู หว่า ก๊อง เหฑว่ย.
หย่า เยียม นิ่น เญย เปย๊า โจ้ว นิ่น.
5เยีย หฒุ โค้ว เญย เฒี่ยง โห่
นิ่น อ๋อย เปว เจี๊ยน เยีย เยียม นิ่น กั้น เญย ต๋อง.
เซ เฒาะ เยีย ปี๋ง เจี๊ยน เยียม นิ่น เญย ด๊บ-ลิ่ว กะญั์ว,
นิ่น อ๋อย เฒาะ เยีย อัน เจี๊ยน หละเปย๊ย-ฒอง กู้ หงว่าย.
6อี้ หฒั่น เยีย อ๋อย เธา เจี์ย มฆ้อง,
เยียม เว่ย ก๋อม เยีย วั้ว เต๋ย วิน-วั้ง กู้ หงว่าย.
เยีย อ๋อย เยียม ทิน-ฮู่ง เญย ด๊บ-ลิ่ว กะญั์ว,
เฌียน-โย่ว เญย เห่ว เจี๊ยน ฝ่ง ห่อ เหฒี่ย.
เยีย อ๋อย ป๋าว ฑูง, อ๋อย ป๋าว ฑูง เธง เฒี้ยว.
7โอ เฒี้ยว อ้า! เยีย เห่ว เญย เฒี่ยง โห่ โท้ หมวัง เยีย,
โท้ ค้อ-เลี่ยน เยีย, หย่า เตา เยีย.
8เม่ย ก๊อง บั๋ว เยีย, “ต้าย ล์อ เยีย ม่าะ!”#27:8 ฮิบลู หว่า ก๊อง “ต้าย ล์อ เยีย เญย เฮมียน”.
เยีย เญย เฮญี้ยว ก๊อง บั๋ว เม่ย,
“เฒี้ยว อ่า, เยีย หฒะเก้ง อ๋อย ล์อ เม่ย.”#27:8 ฟาน หฒะ ก๊อง ล์อ เม่ย เญย เฮมียน.
9โท้ ไม้ ตู๋ง ปี๋ง เม่ย เญย เฮมียน ไม้ หมั่ง เยีย.
ไม้ ตู๋ง เฉีย เจี์ย เจี๊ยน หฒุ่น เม่ย เญย โปว เปย๋า ฆอย,
เหว่ย หฒุ เม่ย มต้าย โหฒว เถง เยีย วั้ว เต้า.
โอ เยีย เญย เหฌียว เฒี้ยว, ทิน-ฮู่ง อ้า!
ไม้ ตู๋ง เล่ย เยีย, ไม้ ตู๋ง กวั่ง เยีย.
10เยีย เญย เตี๋ย หม่า กวั่ง เยีย,
มป่า เฒี้ยว อ๋อย ฒิบ เยีย.
11โอ เฒี้ยว อ่า, โท้ เม่ย หฌาว เยีย ยั่ง เม่ย เญย เจ๊า,
หย่า ต้อ เยีย กัน เจ๊า-แป้ง มี่ง,
เหว่ย หฒุ เยีย ม่าย วิน-วั้ง ธั้ม.
12โท้ เม่ย ไม้ ตู๋ง เฒาะ เยีย จิว ปุน วิน-วั้ง.
ไม้ ตู๋ง เซว่ย วิน-วั้ง เญย เอ๋ย โหฒว ปุน เยีย.
เหว่ย หฒุ โหฒว จ๊า ฒอง-เหฒง เญย เมี่ยน ธ้วด ต้าย,
นิ่น บัว ก๊อง ธ้วด เญย หว่า ห่อย เยีย โค้ว.
13เยีย เสียน ตี่ง เยีย หธ่อ เยียม ย่าง เกน เญย เฒี่ยง โห่,
เยีย อ๋อย ตุ๊ ปวัด เฒี้ยว โหฒว หลง.
14อ๋อย หฒุ ฒั้ว เฒี้ยว,
อ๋อย หฒุ เฮ้น หย่า หฒูง เจี๊ยน ต๊าม,
ฒู้ง อ๋อย หฒุ ฒั้ว เฒี้ยว.
Currently Selected:
สีง ฑูง 27: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
