สีง ฑูง 26
26
สีง ฑูง 26
คู้ เมี่ยน เต๋า เก๋า เญย หว่า
ดาวิด โหฒ่ เญย สีง ฑูง.
1 เฒี้ยว อ่า, โท้ เม่ย เซี้ยม ปุน ธีง เยีย ไม้ โหฒว ต่อง,
เหว่ย หฒุ เยีย ขูง โหฒว หฒีง เญย สี่ ฮนั้ง.
เยีย เขา เฒี้ยว, เฮญี้ยว หย่า ไม้ บู้ง เบี๊ยน.
2โอ เฒี้ยว อ่า, โท้ เม่ย ฒ่า หมั่ง เยีย หย่า เสย เยีย,
โท้ เค้า เยีย เญย เฮญี้ยว เหธา เยีย ฮนั้ม เญย สี่.
3เหว่ย หฒุ เม่ย เหฒียบ ฒัวะ เญย ฮนั้ม เยีย หย่า ต้อ เยีย,
เยีย หย่า หฒั่นๆ เอย เจี๊ยน เม่ย เญย เฒียน เล์ย ยั่ง.#26:3 ไฟ “เยีย เหฒียบ ฒัวะ เญย กัน เม่ย”.
4เยีย หย่า ไม้ เหธา ดั๊ว เมี่ยน เญย เมี่ยน#26:4 ไฟ “ไม้ ลั่ม หล่ง เญย เมี่ยน”. จวั่ง เจ๊า ยั่ง,
หย่า ไม้ เหธา เป้ย หฒะ เฮญี้ยว ฌ้วด เญย เมี่ยน โหฒว ต่อย.
5เยีย ฑอง ไห่ กั๊บ ฒุ้น เญย เอ๊าะ เมี่ยน,
หย่า ซิ้ม ฆอย เมี่ยน หว่าย เมี่ยน.
6โอ เฒี้ยว อ่า, เยีย หฑาว เยีย เญย ปั์ว ปุน ธีง เยีย ไม้ โหฒว ต่อง.
เยีย หย่า ยั่ง ฮวีง เม่ย เญย เหฒี่ย-ต้อง.
7เยีย ป๋าว ฑูง ตอ-เหฒี่ย เม่ย,
หฑั่ม เจี๊ยน ก๊อง เม่ย โหฒว เญย เหยียด ฒู้ง บัวะ ฮ่อง เญย สี่.
8โอ เฒี้ยว อ่า, เยีย ฮนั้ม เม่ย เยียม เญย เปย๊า,
ต้ง เม่ย เญย ฌัง-หล่าง เยียม เญย ต๋อง.
9โท้ เม่ย ไม้ ตู๋ง เฒาะ เยีย เหธา ฒุ์ย-เมี่ยน เหยียด เหฌี่ย กว๊าด มี่ง.
หย่า ไม้ ตู๋ง เฒาะ เยีย เญย แหม่ง เหธา ไต๋ เมี่ยน เญย เมี่ยน หฒุ ไต่.
10นิ่น บัว เญย ปั์ว หฒั่นๆ โหฒว เอ๊าะ สี่.
นิ่น บัว เญย บย่าว เจี๊ยะ ปั์ว ขูง ฑุ์ย ญ่าน หฮมวัง ฮนั้ง.
11มป่า เยีย กั้น ขูง โหฒว เฮญี้ยว หฒีง.
โท้ เม่ย เหฌียว เยีย, ค้อ-เลี่ยน เยีย.
12เยีย เญย เหฒา โซ้ว เจี๊ยน เดา-แป้ง เญย ต๋อง,
เยียม หฒวัง เมี่ยน กั๊บ ฒุ้น เญย ต๋อง เยีย อ๋อย เธง เฒี้ยว.
Currently Selected:
สีง ฑูง 26: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
