สีง ฑูง 28
28
สีง ฑูง 28
เต๋า เก๋า โท้ เฒี้ยว เถง หย่า เธง เหว่ย หฒุ นิ่น เตา
ดาวิด โหฒ่ เญย สีง ฑูง.
1โอ เฒี้ยว อ้า! เยีย เห่ว เจี๊ยน เม่ย,
เยีย เญย หละเปย๊ย อ้า!
โท้ เม่ย หมวัง เยีย, ไม้ ตู๋ง โหฒว ฮนั้ง มน่อม ดูง.
เหฑีย เม่ย ไม้ เตา เยีย,
เยีย ฯฒฯ ฮนั้ง เหฌี่ย เยี่ยม เกน วั้ว เต๋ย เมี่ยน นอ.
2โท้ หมวัง ไฮ์ เยีย เต๋า เก๋า เห่ว เจี๊ยน โท้ เม่ย เถง,
ต้ง เยีย ซูง เจี๊ยน ปั์ว หูง เจี๊ยน เม่ย เก้า ธีง-เหฑ่ง เจี๋ย เญย สีง ติ่น#28:2 ฮิบลู หว่า ก๊อง “สีง ติ่น กะญั์ว เก้า ธีง-เหฑ่ง เจี๋ย วั้ว ฉง”. โท้ เญย เฒี่ยง โห่.
3โท้ ไม้ ตู๋ง เฒาะ เยีย เหธา เมี่ยน หว่าย เมี่ยน
เหธา โหฒว เอ๊าะ เญย เมี่ยน เหยียด เหฌี่ย ตี่ง ฒุ์ย.
นิ่น บัว เหธา จวั่ง ล์าง เมี่ยน ก๊อง แป้ง ออน เญย หว่า,
มป่า เฮญี้ยว กะญั์ว นิ่น บัว อ๋อย โหฒว โตะ.
4โท้ เม่ย เอย นิ่น บัว โหฒว เญย เจ๊า,
หย่า หฒิว นิ่น บัว โหฒว เญย เอ๊าะ สี่ วิ่น ปุน นิ่น บัว.
หฒิว นิ่น บัว เญย ปั์ว โหฒว เญย,
หย่า หฒิว นิ่น บัว หอบ หฒุ ตุ๊ เญย, โท้ วิ่น ปุน นิ่น บัว.#หล่าว ย่าง 22:12
5เหว่ย หฒุ นิ่น บัว ไม้ ม่าย เฮญี้ยว ท่าย เฒี้ยว โหฒว เญย กง,
ไฟ นิ่น เญย ปั์ว โหฒว ต้าย เญย,
นิ่น อ๋อย ป่าย หว่าย นิ่น บัว,
หย่า ไม้ เหธย นิ่น บัว เจี์ย อ๊ะ.
6อ๋อย หฒุ เธง เฒี้ยว,
เหว่ย หฒุ นิ่น หมวัง ไฮ์ เยีย โท้ เญย หว่า.
7 เฒี้ยว เซ เยีย เญย ชะ เหธา เยีย เญย ท้อง-ป้าย,
เยีย เญย เฮญี้ยว เขา นิ่น, นิ่น ฯฒฯ เถง เยีย.
เยีย เญย เฮญี้ยว หย่า เฌียน-โย่ว ไห่,
เยีย ฯฒฯ ป๋าว ฑูง ตอ-เหฒี่ย นิ่น.
8 เฒี้ยว เซ นิ่น เญย แปะ ฝีง เญย ชะ,
นิ่น เซ ว้วน เญย ต๋อง เหฌียว นิ่น หล่ง โย่ว ออน ต้าย โหฒว ฮู่ง วั้ว เต้า.
9โท้ เหฌียว เม่ย เญย แปะ ฝีง,
หย่า เหธย ฟุ ปุน เม่ย หฑิบ เญย เมี่ยน.
โท้ เม่ย โก๋ว นิ่น บัว ฮนั้ง โก๋ว ปะกี ยู่ง เมี่ยน โก๋ว นิ่น บัว เญย ยู่ง นอ.
โท้ เหยียด ลิ์ว ต้อ นิ่น บัว.
Currently Selected:
สีง ฑูง 28: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
