Saray Salmo 2
2
Say Arin Piniliy Dios
1Akin et mamplaplanon onlaban iray bansa?
Akin et manggagawa na saray andi-kakanaan a komplut iray katoowan?
2Saray arari ra milalaban ira,
saray manoley da mankokomplut ira sumpad Katawan
tan say pinili ton ari.
3“Onokpus ti lad pakaoley da,” kuanda;
“ibantak ti la ray lobir ya impamalur dad sikatayo.”
4Makakalek so Katawan a manyodyorung ed trono tod tawen,
tan babalawen to ra.
5Insan lapud pasnuk to papasakbayan to ra,
tan lapud petang na olo to tataktakoten to ra.
6“Pinayorung kon manoley so arik
diad tapew na masanton palandey ko a Sion,”#2:6 SION: Say salitan “Sion” (gendat a totokuyen toy “Siudad nen David,” say tirinsira da ray Jebuseo ya adakep na saray sondalo nen Ari David) et linmaknab, diad panaakar na panaon, so labay ton ibaga ta totokuyen toy palandey a panalalageyen na Timplo. kuanto.
7“Ibawag koy imbagay Katawan,” kuay ari.
“Inkuay Katawan ed siak: ‘Sikay anak ko;
natad sayan agew nagmaliw ak ya amam.
8Kerew ka, et iter kod sikan amin iray bansa;
nakayaryan moy intiron mundo.
9Diad panamegley na bastun a balatyang betagen mo ra;
mekmeken mo ran singa banga.’”
10Kanyan natan dengel yo yan pasakbay, sikayo ran arari;
manalwar kayo, sikayo ran manoley:
11Sitatakot kayon manlingkur ed Katawan;
giwgiw 12tan dakmomo kayod sikato;
ta no andi, maganon ompetang so olo to, et biglan ompatey kayo.
Maliket ya amin iray ondaragon paiyagel ed sikato.
Currently Selected:
Saray Salmo 2: MBBPAN83
Highlight
Copy
Compare
Share
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
