Saray Salmo 3
3
Say Pikekerew na Tulong no Kabwasan#SAY TITULO ED TIKSTON HEBREO: Salmo nen David kayari ton imbatikan si anak ton Absalom.
1Amayamay iray kalaban ko, Katawan
dakerakel iray onsusumpad siak!
2Tongtongtongen da ak tan kuanda,
“Ag tulongan na Dios.”
3Balet sika Katawan, sasalimbengan mo ak lawas,
pian niarawi ak ed kaatapan;
panataloen mo ak
tan pabibiskegen moy linawak.
4Ontatawag ak na maksil a patulongan ed Katawan,
tan manlapud masanton palandey#3:4 MASANTON PALANDEY: Nengneng yoy 2:6. to, eebatan to ak.
5Ondorokul ak tan naoogip ak,
et maung so ibabangon ko, ta say Katawan iyaagel to ak.
6Ag ko antakot iray libo-libon kalaban ko a manlalakob ed siak.
7Gala pa, Katawan! Ilaban mo ak, O Dios ko!
Dudusaen mon amin iray kalaban ko,
tan eekalan mo ray pakayarin mamasakit ed siak.
8Say kilalaban manlalapud Katawan—
bindisionan to komun iray totoo to.
Currently Selected:
Saray Salmo 3: MBBPAN83
Highlight
Copy
Compare
Share
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
