Saray Salmo 1
1
ONONAN LIBRO
(Saray Salmo 1–41)
Say Tuan Liket
1Maliket so toon ag ontotombuk ed simbawa da ray totoon maoges,
ag to aaligey kagagawa da ray totoon makasalanan,
tan ag mikakasakey ed saray totoon managbalaw na kamaungan.
2Ingen, maliket a mangoonur na Ganggan na Katawan,
tan agew-labi ton dadalepdepen.
3Aliling toy kiew a nitanem ed abay na managos a danum;
mambubunga no panaon to tan ag namamagaan iray bolung to.
Onaaligwas iray amin a gagawaen to.
4Balet aliwan onyay toon maoges,
singa taep ya ititikyab na dagem.
5Say Dios sintinsiaan ton nadusa so toon maoges,
tan nibiig ed olupan da ray totoon matonung.
6Say Katawan iwawanwan tan iyaagel to so toon matonung,
balet nabalang ya anggad angga so toon maoges.
Currently Selected:
Saray Salmo 1: MBBPAN83
Highlight
Copy
Compare
Share
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
