ROMA 13

Pagpasakup sa mga Manugdumala

1Ang tagsa ka tawo magpasakup sa pagbulut-an nga nagadumala. Kay walay pagbulut-an nga indi gikan sa Dios, kag ang karon nga mga pagbulut-an tinangdoan sang Dios. 2Busa ang nagabato sa mga pagbulut-an nagasumpung sang pagsolondan sang Dios, kag ang mga nagasumpung magabaton sing paghukom. 3Kay ang mga manugdumala indi kahadlukan sa buhat nga maayo, kondi sa malaut. Buut kamo bala nga indi mahadluk sa pagbulut-an? Niyan buhata ang maayo, kag may pagpakamaayo ka gikan sa iya, 4kay sia alagad sang Dios nga sa imo kaayohan. Apang kon maghimo ka sing malaut, magkahadluk ka, kay wala sia nagadala sang espada sa walay pulus; alagad sia sang Dios sa paghikut sang kasingkal sa nagabuhat sing malaut. 5Busa ang isa kinahanglan magpasakup, indi lamang sa paglikaw sang kasingkal sang Dios kondi man tungud sa kaisipan. 6Kay sa sining kabangdanan nagabayad man kamo sing mga buhis, kay ang mga pagbulut-an mga alagad sang Dios, nga nagaatipan sa sini gid nga butang. 7Bayari sila tanan sang natungud sa ila, mga buhis sa natungdan sang mga buhis, ang bayad sa balayran, pagtahud sa talahuron, dungug sa bagay pasidunggan.#Mat. 22:21; Mar. 12:17; Luc. 20:25.

8Dili kamo mag-utang bisan kay sin-o, luwas sang paghigugmaanay; kay ang nagahigugma sa iya isigkatawo nakatuman sang kasogoan. 9Ang mga sogo, “Dili ka magpanglahi,#Ex. 20:14; Deut. 5:18. Dili ka magpatay,#Ex. 20:13; Deut. 5:17. Dili ka magpangawat,#Ex. 20:15; Deut. 5:19. Dili ka maghamkon,#Ex. 20:17; Deut. 5:21.” kag ang iban pa nga sogo, natingub sa sining polong, “Higugmaa ang imo isigkatawo subong sang imo kaugalingon.”#Lev. 19:18. 10Ang gugma wala nagabuhat sing malain sa isigkatawo; busa ang gugma amo ang katumanan sang kasogoan.

11Walay labut sini, nahibaloan ninyo ang takna, nga tion na ini nga inugmata ninyo sa katologon. Kay karon ang kaluwasan labing malapit na sa aton sang sa pagsugud ta pagtoo; 12ang kagab-ihon manugtaliwan na, malapit na ang adlaw. Niyan isikway ta ang mga buhat sang kadudulman kag isuklub ang hinganib sang kapawa; 13maggawi kita sing nagakaigo subong nga sa adlaw, indi sa magansal nga kinalipay kag paghinobog, indi sa patuyang kag kalaw-ayan, indi sa inaway kag pangimon. 14Kondi isuklub ninyo si Ginoong Jesu-Cristo, kag dili kamo magpanigana nga sa unud, sa pagtuman sang mga kailigbon sini.

Currently Selected:

ROMA 13: ABHIL82

Highlight

Copy