MGA SALMO 8
8
Ang Himaya sang Dios kag ang Kadungganan sang Tawo
Sa pangolong manuglanton: sono sa Ang Gitit. Salmo ni David.
1O Ginoo, Ginoo namon,
daw ano kahalangdon ang imo ngalan sa bug-os nga duta!
Ikaw nga nagpahamtang sang imo himaya sa ibabaw sang kalangitan
2gikan sa baba sang mga bata kag sang mga nagasoso,#Mat. 21:16.
nakatukud ka sing kusug bangud sang imo mga kasumpung,
agud nga mapahipus mo ang kaaway kag ang manugtimalus.
3Kon pamalandungon ko ang imo kalangitan, ang binuhatan sang imo mga tudlo,
ang bulan kag ang kabitoonan nga imo ginpatuk;
4ano bala ang tawo nga ginasapak mo sia,
kag ang anak sang tawo nga ginaduaw mo sia?#Job 7:17-18; Sal. 144:3; Heb. 2:6-8.
5Kay ginhimo mo sia nga kubuskubus lamang sa Dios,
kag ginapurungpurungan sia sing himaya kag dungug.
6Ginpagahum mo sia sa mga binuhatan sang imo mga kamut;
ginbutang mo ang tanan sa idalum sang iya mga tiil,#1 Cor. 15:27; Efe. 1:22; Heb. 2:8.
7ang tanan nga carnero kag kabakahan,
kag ang kasapatan sang latagon,
8ang kapispisan sang kalangitan, kag ang kaisdaan sang kadagatan,
ang bisan ano nga nagaagi sa mga banas sang kadagatan.
9O Ginoo, Ginoo namon,
daw ano kahalangdon ang imo ngalan sa bug-os nga duta!
Currently Selected:
MGA SALMO 8: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
