MGA SALMO 7
7
Pangamuyo nga Pakamatarungon
Sigaion ni David, nga gin-amba niya sa Ginoo nahanungud kay Cus nga Benjaminhon.
1O Ginoo nga akon Dios, sa imo nagadangup ako;
luwasa ako sa tanan nga nagalagas sa akon, kag hilwaya ako,
2basi nga kusniton nila ang akon kalag kaangay sang leon,
nga nagagus-ab sini, nga wala sing bisan sin-o nga magahilway.
3O Ginoo nga akon Dios, kon ini nahimo ko,
kon may kalautan sa akon kamut,
4kon ginbalusan ko sing malaut ang makidaiton sa akon
ukon gintugyan ko ang kasumpung ko sa wala sing kabangdanan,
5lagson sang kaaway ang akon kalag, kag lambuton ini,
kag tapakon niya sa duta ang akon kabuhi,
kag ibutang sa yab-ok ang akon himaya. Sela
6Tindug ka, O Ginoo, sa imo kaakig,
bayawa ang imo kaugalingon batok sa kasingkal sang akon mga kasumpung;
mata ka nga sa akon; ginsogo mo ang paghukom.
7Maglibut sa imo ang katilingban sang mga katawohan;
kag sa ibabaw nila balik ka sa hitaas.
8Ang Ginoo nagahikut sing paghukom sa mga katawohan;
hukmi ako, O Ginoo, sono sa akon pagkamatarung
kag sono sa akon kalubus nga yari sa akon.
9O pauntata ang pagkamalaut sang mga malauton,
apang palig-onon mo ang matarung,
ikaw nga nagatungkad sang mga painoino kag mga tagiposoon,#Bug. 2:23.
ikaw matarung nga Dios.
10Ang akon taming yara sa Dios,
nga nagaluwas sang mga matadlong sa tagiposoon.
11Ang Dios matarung nga hukom,
kag Dios nga may kaalipungut sa tagsa ka adlaw.
12Kon ang tawo indi magliso, bairon niya ang iya espada;
nabingat na niya ang iya pana, kag nahanda ini;
13naaman man niya nga sa iya ang mga gamit nga sa kamatayon,
ginahimoan niya ang iya mga baslay sing mga olongan nga dalitan.
14Yari karon, ginasakitan sia sing kalautan,
kag nagpanamkon sia sing malaut,
kag nag-anak sing pagkadimatuud.
15Nagkutkut sia sing boho, kag ginpadalum ini,
kag naholog sa kalog nga iya ginhimo.
16Ang iya kalaut magabalik sa iya kaugalingon nga olo,
kag ang iya panlugus maholog sa iya kaugalingon nga alipudwan.
17Magapasalamat ako sa Ginoo sono sa iya pagkamatarung,
kag magaamba sing pagdayaw sa ngalan sang Ginoo nga Labing Mataas.
Currently Selected:
MGA SALMO 7: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
