MGA SALMO 32
32
Ang Pagkabulahan sang Pagpatawad
Salmo ni David. Maskil.
1Bulahan sia nga ang iya paglalis ginpatawad,
nga ang iya sala gintabonan.
2Bulahan ang tawo nga wala ginapasangti sang Ginoo sang kalautan,#Roma 4:7-8.
nga sa iya espiritu walay limbong.
3Sang naghipus ako, nahagas ang akon mga tul-an
tungud sang akon pag-ugayong sa bilog nga adlaw.
4Kay sa adlaw kag gab-i mabug-at sa akon ang imo kamut;
ang akon kahun-og nagbaylo subong sang kamala sang tingadlaw. Sela
5Ginkilala ko ang akon sala sa imo,
kag wala ko iglikum ang akon kalautan;
ako nagsiling, “Itu-ad ko ang akon mga paglalis sa Ginoo”;
niyan ikaw nagpatawad sang kalautan sang akon sala.#2 Sam. 12:13. Sela
6Tungud sini magpangamuyo sa imo ang tagsatagsa nga diosnon;
sa tion nga ikaw makita, kon maglambas ang dalagkung mga tubig,
indi sila maglambut sa iya.
7Ikaw akon palanagoan,
ikaw magatipig sa akon gikan sa kagamo;
libutan mo ako sing mga ambahanon sang kaluwasan. Sela
8Ton-an ko ikaw kag tudloan ikaw
sang dalanon nga dapat mo laktan;
laygayan ko ikaw nga ang akon mata yara sa ibabaw nimo.
9Dili kamo magsubong sa kabayo ukon sa mula, nga walay sing paghangup,
nga ang ila mga inugpahagup inugpakagat kag busal sa pagpugong sa ila,
basi nga indi sila magpalapit sa imo.
10Madamu nga kalisud sa malauton;
apang ang nagasalig sa Ginoo libutan sia sang malig-on nga paghigugma.
11Magkalipay sa Ginoo, kag magkasadya, O mga matarung,
kag magsinggit sa kalipay, tanan kamo nga matadlong sa tagiposoon!
Currently Selected:
MGA SALMO 32: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
