MGA SALMO 21
21
Pagdayaw bangud sa Pagluwas gikan sa Kaaway
Sa pangolong manuglanton. Salmo ni David.
1Magakalipay ang hari sa imo kusug, O Ginoo;
kag sa imo kaluwasan daw ano kadaku nga pagkalipay niya!
2Ginhatagan mo sia sang handum sang iya tagiposoon,
kag wala magpugung sang pangabay sang iya mga bibig. Sela
3Kay ginasugata mo sia sang mga pagpakamaayo sang kaayohan;
ginapurungpurungan mo sia sing bulawan nga bus-og sa iya olo.
4Nagpangayo sia sing kabuhi sa imo; ginhatag mo ini sa iya,
ang kalawigon sang mga adlaw sa gihapon kag sa gihapon.
5Ang iya himaya daku sa imo kaluwasan;
ang kadungganan kag pagkahari ginapahamtang mo sa iya.
6Kay ginahimo mo sia nga labi gid kabulahan sa gihapon;
ginahimo mo sia nga masadya nga may kalipay sa imo atubangan.
7Kay ang hari nagasalig sa Ginoo;
kag tungud sa malig-on nga paghigugma sang Labing Mataas dili sia mationg.
8Tultulon sang imo mga kamut ang tanan mo nga kaaway;
tultulon sang imo too nga kamut ang mga nagadumut sa imo.
9Himoon mo sila subong sang nagapangalayo nga horno
sa tion sang imo kaakig.
Ang Ginoo magahalunhon sa ila sa iya kasingkal;
kag ang kalayo magalamon sa ila.
10Ang ila mga bunga laglagon mo gikan sa duta,
kag ang ila kaliwat gikan sa tunga sang mga lalaking anak sang mga tawo.
11Kay nagtuyo sila sing malaut batok sa imo,
naghunahuna sila sing padugi nga indi sila makasarang sa paghimo.
12Kay patalikdon mo sila;
handaon mo ang imo mga pana batok sa ila nawung.
13Pakataason ka, O Ginoo, sa imo kusug!
Sa amo magaamba kami kag magadayaw sang imo gahum.
Currently Selected:
MGA SALMO 21: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
