MGA SALMO 22
22
Pagtuaw sa Kalisud kag Ambahanon sa Pagdayaw
Sa pangolong manuglanton; sono sa Ang babaying usa sa kaagahon. Salmo ni David.
1Dios ko, Dios ko, ngaa bala ginbayaan mo ako?#Mat. 27:46; Mar. 15:34.
Ngaa bala nga tama sa imo kalayo sa pagtabang sa akon, kag sa mga polong sang akon pag-ugayong?
2O Dios ko, nagatuaw ako sa imo sa kaadlawon, apang wala ka nagasabat sa akon;
kag sa kagab-ihon, apang wala ako nagahipus.
3Apang balaan ka,
O ikaw nga nagapuyo sa mga pagdayaw sang Israel.
4Ang amon mga ginikanan nagsalig sa imo;
nagsalig sila, kag ikaw nagluwas sa ila.
5Nagtuaw sila sa imo, kag ginluwas;
nagsalig sila sa imo, kag wala mahuy-i.
6Apang ako ulud, kag indi tawo;
kahuluy-an sang mga tawo, kag gintamay sang katawohan.
7Ang tanan nga nagatan-aw sa akon nagakadlaw sa akon,
nagapangyam-id sila sang bibig, nagalungolungo sila sang olo;#Mat. 27:39; Mar. 15:29; Luc. 23:35.
8“Panugyan ka sa Ginoo; luwason niya sia,
sagupon niya sia, sa ginatan-aw nga nagakalipay sia sa iya!”#Mat. 27:43.
9Apang ikaw amo ang nagkuha sa akon gikan sa tiyan;
ginpasalig mo ako sang yara pa ako sa mga soso sang akon iloy.
10Gintugyan ako sa imo gikan sa tiyan;
ikaw akon Dios kutub nga gin-anak ako sang akon iloy.
11Dili ka magpalayo sa akon,
kay ang kagamo malapit
kag wala sing matabang.
12Ginalibutan ako sang madamu nga baka nga lalaki,
ang makusug nga mga baka sang Basan nagkibon sa akon palibut;
13naganganga sila sa akon sang ila baba,
subong sang manunukub kag nagangurub nga leon.
14Ginaula ako kaangay sang tubig,
kag nagaliw-as ang tanan ko nga tul-an;
ang akon tagiposoon kaangay sang talo,
nagakatunaw ini sa sulud nakon;
15nagamala ang akon kusug kaangay sang bika,
kag ang akon dila nagatapik sa akon mga sulang;
gindala mo ako sa yab-ok sang kamatayon.
16Kay ginlibutan ako sang mga ido;
ginkibon ako sang guban sang mga manughikot sang kalautan;
ginpalapsan nila ang akon mga kamut kag ang akon mga tiil—
17maisip ko ang tanan ko nga tul-an—
nagatolok sila kag nagatan-aw sa akon;
18ginabahinbahin nila sa ila ang akon mga panapton,
kag ginapapalaran nila ang akon kunup.#Mat. 27:35; Mar. 15:24; Luc. 23:24; Juan 19:24.
19Apang dili ka magpalayo sa akon, O Ginoo!
O ikaw nga akon panabang, dalidali ka sa pagtabang sa akon!
20Luwasa ang akon kalag sa espada,
ang akon palangga sa gahum sang ido!
21Luwasa ako sa baba sang leon,
gikan sa mga sungay sang baka nga talunon ginsabat mo ako!
22Ipahayag ko ang imo ngalan sa akon mga utud;
sa tunga sang katilingban dayawon ko ikaw:#Heb. 2:12.
23Kamo nga nagakahadluk sa Ginoo, dayawa sia!
Tanan kamo nga kaliwat ni Jacob, himayaa sia,
kag magtindug sa kahangawa sa iya, tanan kamo nga kaliwat sang Israel!
24Kay wala sia magtamay ukon magkangil-ad
sang kapipit-an sang napiotan;
kag wala sia magpalipud sang iya nawung gikan sa iya,
kondi sang nagtuaw sia sa iya, nagpamati sia.
25Ang akon pagdayaw sa daku nga katilingban nagagikan sa imo;
bayaran ko ang akon mga saad sa atubangan sang mga nagakahadluk sa iya.
26Ang mapainubuson magakaon kag mabusug;
dayawon nila ang Ginoo nga nagapangita sa iya!
Magkabuhi sing dayon ang inyo tagiposoon!
27Magapanumdum kag magabalik sa Ginoo
ang tanan nga ukbung sang duta;
ang tanan nga kahimataan sang mga pungsud
magasimba sa atubangan mo.
28Kay iya sang Ginoo ang ginharian,
kag sia ang pangolo sa ibabaw sang mga pungsud.
29Magakaon kag magasimba ang tanan nga matambok sang duta;
magayaub sa atubangan niya ang tanan nga nagapanaug sa yab-ok,
sia nga indi makabuhi sang iya kalag.
30Isa ka kaliwat magaalagad sa iya;
isugid ini nahanungud sa Ginoo sa masonod nga kaliwatan,
31magaabut sila kag magapahayag sang iya pagkamatarung sa katawohan nga matawo,
nga sia naghimo sini.
Currently Selected:
MGA SALMO 22: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
