MGA SALMO 141
141
Pangamuyo sa Kagab-ihon
Salmo ni David.
1O Ginoo, nagpanawag ako sa imo; dalidali sa akon!
Lingga ang akon tingug, kon magtawag ako sa imo.
2Ang akon pangamuyo magtub-ok subong sang incienso#Bug. 5:8. sa atubangan mo,
ang pagbayaw sang akon mga kamut subong sang halad sa kahaponon.
3Butangi sing bantay, O Ginoo, sa atubangan sang akon baba,
bantayi ang ganhaan sang akon mga bibig!
4Indi pagpahuyoga ang akon tagiposoon sa bisan ano nga butang nga malaut,
sa paghimo sing mga buhat sang pagkamalaut
upud sa mga tawo nga nagabuhat sing kalautan;
kag indi ako pagpakaona sang ila manamit nga mga pagkaon!
5Pasakita ukon pasabdonga ang matarung nga tawo sa akon sa kalolo,
apang indi gid pag-ihidhid ang lana sang malauton sa akon olo;
kay ang akon pangamuyo dalayon batok sa ila malaut nga mga binuhatan.
6Ang ila mga hukom ginahaboy sa mga kilid sang igang,
kag magapamati sila sang akon mga polong kay sila matam-is.
7Subong sang isa nga nagaarado kag nagakihad sang duta,
ang amon mga tul-an ginapaaplaag sa baba sang Sheol.
8Kay ang akon mga mata yara sa imo, O Ginoong Dios;
sa imo nagdangup ako; indi pagbayai nga nakulabsan ang akon kalag!
9Ipahilayo ako sa siod nga ginabutang nila sa akon,
kag sa mga tiglapak sang mga manughikot sang kalautan!
10Madakpan ang mga malauton sang ila mga batong,
samtang nga ako makalikaw sini.
Currently Selected:
MGA SALMO 141: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
