MGA SALMO 142
142
Pangamuyo nga Buligan sa Kagamo
Maskil ni David, sang didto sia sa lungib.#1 Sam. 22:1; 24:3. Pangamuyo.
1Sa akon tingug nagatuaw ako sa Ginoo,
sa akon tingug nagaampo ako sa Ginoo,
2ginaula ko ang akon yamo sa atubangan niya,
ginapakita ko sa atubangan niya ang akon kalisdanan.
3Sang ginpunaw ang akon espiritu sa sulud nakon,
nakilala mo ang akon banas!
Sa dalan nga akon ginalaktan
gintagoan nila sing siod nga sa akon.
4Toloka ang akon kamut nga too kag tan-awa,
kay walay tawo nga nakakilala sa akon;
wala na ako sing dalangpan,
walay tawo nga nagasapak sa akon kalag.
5Nagtuaw ako sa imo, O Ginoo;
nagsiling ako, Ikaw amo ang akon dalangpan,
ang akon bahin sa duta sang mga buhi.
6Dungga ang akon pagtuaw;
kay ginpaubus gid ako sing tama!
Luwasa ako sa mga manughingabut sa akon;
kay makusug pa sila sa akon!
7Pagowaa ang akon kalag sa bilanggoan,
agud nga magpasalamat ako sa imo ngalan!
Ang matarung magalikup sa akon;
kay magahisayo ka sing bugana sa akon.
Currently Selected:
MGA SALMO 142: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
