MGA SALMO 140
140
Pangamuyo nga Apinan batok sa mga Mahingabuton
Sa pangolong manuglanton. Salmo ni David.
1Luwasa ako, O Ginoo, sa tawo nga malaut;
tipigi ako gikan sa tawo nga malugus,
2nga nagapadugi sing mga kalainan sa ila tagiposoon,
nagatipon sila sing tingub sa dalayon nga sa inaway.
3Ginpatalum nila ang ila mga dila kaangay sang man-ug,
ang dalit sang man-ug nga dalitan yara sa idalum sang ila mga bibig.#Roma 3:13. Sela
4Bantayi ako, O Ginoo, gikan sa mga kamut sang malauton;
tipigi ako gikan sa tawo nga malugus,
nga may katuyoan sa pagpatalang sang akon mga tikang.
5Ang mga bugalon nagtago sing siod nga sa akon,
kag sa mga gapus naghumlad sila sing batong
sa ubay sang dalan nagbutang sila sing mga tiglapak nga sa akon. Sela
6Nagsiling ako sa Ginoo, Ikaw ang akon Dios;
lingga, O Ginoo, ang tingug sang akon mga pag-ampo!
7O Ginoo, Ginoo ko, ang kusug sang akon kaluwasan,
gintabonan mo ang akon olo sa adlaw sang inaway.
8Dili pag-itugut, O Ginoo, ang mga handum sang malauton;
dili pagpasanyoga ang iya malaut nga padugi basi magpakataas sila! Sela
9Nahanungud sa pangolo sang nagalibut sa akon,
magputus sa ila ang kalainan sang ila kaugalingon nga mga bibig!
10Maholog sa ila ang nagadabadaba nga mga baga!
Pag-ipilak sila sa kalayo sa madalum nga mga boho, diin indi na sila magatindug!
11Ang malaut nga manughambal indi paglig-onon sa duta;
ang malaut magapangita sang tawo nga malugus sa pagpukan sa iya!
12Ako nakahibalo nga ang Ginoo magaapin sang kasaba sang mga napiotan,
kag katarungan sa mga nawad-an.
13Sa pagkamatuud ang mga matarung magapasalamat sa imo ngalan;
ang mga matadlong magapuyo sa imo atubangan.
Currently Selected:
MGA SALMO 140: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
