MGA SALMO 13
13
Pangamuyo nga Buligan sa Tion sang Kapipit-an
Sa pangolong manuglanton. Salmo ni David.
1Tubtub bala san-o, O Ginoo? Kalimtan mo bala ako sa gihapon?
Tubtub bala san-o nga lipnan mo ang imo nawung sa akon?
2Tubtub bala san-o nga maghinun-anon ako sa akon kalag,
nga may kasubu sa akon tagiposoon sa bug-os nga adlaw?
Tubtub bala san-o palabawon sa akon ang akon kaaway?
3Patugsilingi kag sabta ako, O Ginoo nga akon Dios;
pasanaga ang akon mga mata, basi magtolog ako sang tolog sang kamatayon;
4basi nga ang akon kaaway magsiling, “Nalandas ko sia”;
basi nga ang akon mga kasumpung magkalipay kon malingkang ako.
5Apang nagsalig ako sa imo malig-on nga paghigugma;
magakalipay ang akon tagiposoon sa imo kaluwasan.
6Magaambahan ako sa Ginoo,
bangud nga naghisayo sia sing mabuganaon sa akon.
Currently Selected:
MGA SALMO 13: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
