MGA SALMO 14
14
Ang Kabuangan kag Pagkamalaut sang Tawo
(Sal. 53:1-6)
Sa pangolong manuglanton. Salmo ni David.
1Ang buangbuang nagsiling sa iya tagiposoon, “Wala sing Dios.”
Dunut sila, naghimo sila sing mga buhat nga makangingil-ad,
wala sing bisan isa nga nagahimo sing maayo.
2Ang Ginoo nagtamud kutub sa langit sa mga anak sang mga tawo,
sa pagtan-aw kon may dira nga nakahangup,
nga nagpangita sa Dios.
3Tanan sila naglipas, nagmahigko sila sing tingub;
wala gid sing isa nga nagahimo sing maayo,
wala, bisan isa.#Roma 3:10-12.
4Wala bala sing ihibalo ang tanan nga manughikot sang kalautan
nga nagakaon sang akon katawohan subong sang pagkaon nila sang tinapay,
kag wala nagatawag sa Ginoo?
5Didto yara sila sa daku nga kahadluk,
kay ang Dios yara sa kaliwatan sang matarung.
6Ginapakahuy-an ninyo ang laygay sang imol,
apang ang Ginoo iya dalangpan.
7Kabay kuntani nga ang kaluwasan sang Israel magikan sa Sion!
Kon papaulion sang Ginoo ang mga bihag sang iya katawohan,
si Jacob magakalipay, si Israel magakasadya.
Currently Selected:
MGA SALMO 14: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
