MGA SALMO 12
12
Pangamuyo nga Buligan batok sa Malauton
Sa pangolong manuglanton: sono sa Ang Seminit. Salmo ni David.
1Tabang, O Ginoo; kay nagakawala ang tawo nga diosnon;
kay ang mga matutum nagakapapas sa mga lalaking anak sang mga tawo.
2Nagapamolong sila sing kabutigan ang tagsatagsa sa iya isigkatawo;
sa bibig nga maolog-ologon kag sa duha sing tagiposoon nagapamolong sila.
3Ang Ginoo magalaplap sang tanan nga bibig nga maolog-ologon,
ang dila nga nagapamolong sing dalagku nga mga butang,
4nga nagsiling, “Tungud sa amon dila magalandas kami,
ang amon mga bibig amon kaugalingon; sin-o bala ang ginoo sa amon?”
5“Bangud sang pagpigus sang mga imol, bangud sang panghayhay sang mga may kinawad-on,
karon magatindug ako,” nagasiling ang Ginoo;
“Ipahamtang ko sia sa kalig-onan nga ginalangkagan niya.”
6Ang mga polong sang Ginoo mga polong nga putli,
subong sang pilak nga tinunaw sa horno sa duta,
naulay sing makapito.
7Ikaw magabantay sa ila, O Ginoo,
ikaw magatipig sa ila kutub sini nga kaliwatan tubtub sa gihapon.
8Ang malauton nagalakat sa tagsa ka luyo,
kon ang kalaut ginatib-ong sa tunga sang mga lalaking anak sang mga tawo.
Currently Selected:
MGA SALMO 12: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
