MGA SALMO 112
112
Ang Kabuganaan sang Nagakahadluk sa Ginoo
1Dayawa ninyo ang Ginoo.
Bulahan ang tawo nga nagakahadluk sa Ginoo,
nga nagakalipay sing daku sa iya mga sogo!
2Ang iya mga kaliwatan magagamhanan sa duta;
ang kaliwatan sang matadlong pakamaayohon.
3Pagkabutang kag manggad yara sa iya balay;
kag ang iya pagkamatarung nagapadayon sa gihapon.
4Sa matadlong may nagasilak nga kapawa sa kadudulman;
ang Ginoo mainayohon, maloloy-on, kag matarung.
5Maayo sa tawo nga mainayohon kag nagapahulam;
magaapin sia sang iya kasaba sa paghukom.
6Kay indi sia mationg;
ang matarung dumdumon sing dayon.
7Indi sia mahadluk sa malaut nga balita;
ang iya tagiposoon mapag-on, nga nagasalig sa Ginoo.
8Ang iya tagiposoon malig-on, indi sia mahadluk,
tubtub nga makita niya ang iya handum sa iya mga kasumpung.
9Nakasabwag sia, nakahatag sia sa nawad-an;
ang iya pagkamatarung nagapadayon sa gihapon;#2 Cor. 9:9.
ang iya sungay pataason nga may kadungganan.
10Ang malauton makakita sini kag magakalisud;
magapabagrut sia sang iya mga ngipon kag matunaw;
ang handum sang malauton madula.
Currently Selected:
MGA SALMO 112: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
