MGA SALMO 113
113
Pagdayaw bangud sa Pagbayaw sang Mapainubuson
1Dayawa ninyo ang Ginoo!
Dayawa, O kamo nga mga alagad sang Ginoo,
dayawa ang ngalan sang Ginoo!
2Pakamaayohon ang ngalan sang Ginoo
kutub sining tion kag tubtub sa gihapon!
3Kutub sa pagbutlak sang adlaw tubtub sa pagtunud sini
dayawon ang ngalan sang Ginoo!
4Ang Ginoo mataas labaw sa tanan nga pungsud,
kag ang iya himaya labaw sa mga langit!
5Sin-o bala ang kaangay sa Ginoo nga aton Dios,
nga yara ang iya lingkoran sa ibabaw,
6nga nagapaubus sang iya kaugalingon sa pagtolok
sa mga butang nga yara sa langit kag sa duta?
7Ginabayaw niya ang imol gikan sa yab-ok,
kag ginabayaw ang nawad-an gikan sa higko,
8agud nga mapalingkod niya sia upud sa mga principe,
upud sang mga principe sang iya katawohan.
9Ang baw-as nga babayi ginahimo niya nga mag-atipan sing balay,
kag malipayon nga iloy sang mga anak.
Dayawa ninyo ang Ginoo!
Currently Selected:
MGA SALMO 113: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
