MGA SALMO 111
111
Ang Pagtatap sang Ginoo sa Iya Katawohan
1Dayawa ninyo ang Ginoo.
Magapasalamat ako sa Ginoo sa bug-os kong tagiposoon,
sa sinapul sang matadlong, sa katilingban.
2Ang mga binuhatan sang Ginoo dalagku,
nga ginpangita sang tanan nga may kahamuut sini.
3Ang iya binuhatan kadungganan kag pagkahari,
kag ang iya pagkamatarung nagapadayon sa gihapon.
4Nahimo niya nga dumdumon ang iya makatilingala nga mga binuhatan;
ang Ginoo mainayohon kag maloloy-on.
5Naghatag sia sing kalan-on sa mga nagakahadluk sa iya;
sia madinumdumon sang iya katipan.
6Ginpakitaan niya ang iya katawohan sang gahum sang iya mga binuhatan,
sa paghatag sa ila sang panublion sang mga pungsud.
7Ang mga binuhatan sang iya mga kamut mga kamatooran kag katarungan;
ang tanan niyang sogo malig-on,
8ginapalig-on sila sa gihapon kag sa gihapon,
ginhimo sila sa kamatooran kag sa pagkatadlong.
9Nagpadala sia sing pagtubus sa iya katawohan;
sia nagsogo sang iya katipan sa gihapon.
Balaan kag yayauban ang iya ngalan.
10Ang kahadluk sa Ginoo amo ang pamuno sang kaalam;#Job 28:28; Hulu. 9:10.
ang tanan nga nagahimo sang iya mga sogo may maayong paghangup.
Ang iya pagdayaw nagapadayon sa gihapon!
Currently Selected:
MGA SALMO 111: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
