JOB 35
35
1Kag si Elihu nagsiling:
2“Nagahunahuna ka bala sini nga matarung?
Nagasiling ka bala, ‘Ang akon pagkamatarung labi pa sa iya sang Dios,’
3nga nagasiling ka, ‘Ano bala ang ikaayo sini sa akon?
Ano bala ang mapulus ko sini labi pa sang nakasala ako?’
4Magasabat ako sa imo
kag ang imo mga kaupdanan upud sa imo.
5Tolok ka sa mga langit, kag tan-awa;
kag toloka ang mga kahawaan, nga mataas pa sa imo.
6Kon nakasala ka, ano bala ang ginapatubas mo batok sa iya?
Kag kon ang imo mga paglalis magdamu, ano bala ang ginahimo mo sa iya?
7Kon matarung ka, ano bala ang ginahatag mo sa iya;
ukon ano bala ang ginabaton niya gikan sa imo kamut?
8Ang imo pagkamalaut makasamad sa tawo nga subong sa imo,
kag ang imo pagkamatarung mapuslan sang anak sang tawo.#Job 22:2-3.
9“Bangud sang kadamuon sang mga pagpigus nagasinggit sila;
nagasinggit sila sing tabang bangud sang butkon sang gamhanan.
10Apang wala sing bisan sin-o nga nagasiling, ‘Diin bala ang Dios nga akon Magbubuhat,
nga nagahatag sing mga ambahanon sa kagab-ihon,
11nga nagatudlo sa aton labi pa sa mga sapat sang duta,
kag nagapaalam sa aton labi pa sa kapispisan sang kalangitan?’
12Didto nagatuaw sila, apang wala sing nagasabat,
bangud sang bugal sang mga tawo nga malaut.
13Sa pagkamatuud ang Dios dili magpamati sang wala sing sulud nga pagtuaw,
kag ang Makaako dili magsapak sini.
14Daw ano pa gid ka kubus kon nagasiling ka nga wala mo sia makita,
ang kabangdanan yara sa atubangan niya, kag ikaw nagahulat sa iya!
15Apang karon, bangud nga wala sia magduaw sa iya kaakig,
kag wala sia nagasapak sing daku sang pabugal,
16busa si Job nagabuka sang iya baba sa wala sing pulus,
nagapadamu sia sing mga pololongon sa wala sing ihibalo.”
Currently Selected:
JOB 35: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
