JOB 17
17
1“Ang akon espiritu nagakawala, nagakapalong ang akon mga adlaw,
ang lulubngan handa sa akon.
2Sa pagkamatuud may mga manug-uligyat sa akon,
kag ang akon mga mata nagapabilin sa ila pagpaakig.
3“Hatag karon sing kalig-onan nga sa akon upud sa imo;
sin-o bala dira ang makigdaho sing kamut sa akon?
4Kay ginlipdan mo ang ila tagiposoon sa paghangup,
busa dili mo sila pagpataason.
5Ang nagasikway sang iya mga abyan subong nga inagaw,
ang mga mata sang iya mga anak magadulum.
6“Nahimo niya ako nga hulubaton sang katawohan,
kag nagadupla sila sa akon guya.
7Ang akon mata man nagapalanulum tungud sa kasubo,
kag ang akon tanan nga bahin subong sang landong.
8Ang matarung nga mga tawo matingala sini,
kag ang wala sing sala magapaisug sang iya kaugalingon batok sa wala sing Dios.
9Apang magapadayon ang matarung sa iya dalanon,
kag ang may matinlo nga mga kamut magakusug pa kag magakusug pa.
10Apang nahanungud sa inyo tanan, kari karon liwat,
nga indi ako makakita sing maalam nga tawo sa tunga ninyo.
11Nagaligad ang akon mga adlaw, ang akon mga katuyoan nagakalaglag,
ang mga hunahuna sang akon tagiposoon.
12Ginabaylohan nila ang gab-i sing adlaw;
‘Ang kapawa,’ nagasiling sila, ‘malapit sa kadudulman.’
13Kon ginapangita ko ang Sheol subong nga akon balay,
kon nabuklad ko ang akon higdaan sa kadudulman,
14kon nakasiling ako sa kaduluntan, ‘Ikaw amay ko,’
sa ulud, ‘Ikaw akon iloy,’ ukon ‘Akon utud nga babayi,’
15diin bala niyan ang akon paglaum?
Sin-o bala ang makakita sini?
16Ini magapanaug bala sa mga pintal sang Sheol?
Magapanaug bala kita sing tingub sa yab-ok?”
Currently Selected:
JOB 17: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
