2 MGA CRONICA 5
5
1Sa amo ang tanan nga buluhaton nga ginhimo ni Salomon tungud sa balay sang Ginoo natapus. Kag ginpasulud ni Salomon ang mga butang nga nahalad ni David nga iya amay,#2 Sam. 8:11; 1 Cron. 18:11. kag ang pilak, ang bulawan, kag ang tanan nga gamit ginbutang sa mga bahandian sang balay sang Dios.
Si Salomon Nagapasulud sang Kaban sa Templo
(1 Hari 8:1-11)
2Niyan gintipon ni Salomon sa Jerusalem ang mga tigulang sang Israel kag ang tanan nga pangolo sang mga kabikahan, ang mga principe sang mga kabaranggayan sang katawohan sang Israel, sa pagpataklad sang kaban sang katipan sang Ginoo gikan sa banwa ni David,#2 Sam. 6:12-15; 1 Cron. 15:25-28. nga amo ang Sion. 3Kag nagtipon sa hari ang tanan nga tawo sang Israel sa piesta nga sa bulan nga ikapito. 4Kag ang tanan nga tigulang sang Israel nag-abut, kag ginyayongan sang mga Levinhon ang kaban. 5Kag ginpataklad nila ang kaban, ang layanglayang nga tiliponan, kag ang tanan nga balaan nga gamit nga didto sa layanglayang; ini sila ginpataklad sang mga sacerdote nga mga Levinhon. 6Kag si Hari Salomon kag ang bug-os nga katilingban sang Israel, nga nagtipon sa iya, yara sa atubangan sang kaban, nga nagahalad sing mga carnero kag mga baka nga indi maisip ukon matandaan tungud sa kadamuon. 7Gani ginpasulud sang mga sacerdote ang kaban sang katipan sang Ginoo sa iya duug, sa santuario sang balay, sa duug nga labi gid kabalaan, sa idalum sang mga pakpak sang mga querubin. 8Kay ang mga querubin nagahumlad sang ila mga pakpak sa ibabaw sang duug sang kaban, kag ginalandongan sang mga querubin ang kaban kag ang iya mga yayongan sa ibabaw. 9Kag ang mga yayongan tama kalaba nga ang mga ukbung sang mga yayongan makita kutub sa kaban sa atubangan sang santuario; apang indi sila makita sa gowa; kag didto ini tubtub sini nga adlaw. 10Wala sing sulud ang kaban luwas sang duha ka tapitapi nga ginbutang ni Moises sa Horeb,#Deut. 10:5. sang nagpakigkatipan ang Ginoo sa katawohan sang Israel, sang naggowa sila gikan sa Egipto.
11Karon sang paggowa sang mga sacerdote gikan sa balaan nga duug (kay ang tanan nga sacerdote nga yadto didto nagpakabalaan sang ila kaugalingon, nga wala magbantay sang ila mga pag-inagisud; 12ang tanan nga Levinhon man nga mga manug-amba, si Asaf, si Heman, si Jedutun, kag ang ila mga anak nga lalaki kag ang ila mga himata, nga napanaptan sa lino nga manipis, nga may mga apiping, mga salterio, kag mga arpa, nagtindug sa sidlangan nga ukbong sang halaran upud ang isa ka gatus kag duha ka pulo ka sacerdote nga nagapatonog sing mga budyong; 13kag katungdanan sang mga manugbudyong kag sang mga manug-amba nga mabatian sila sing tingub sa pagdayaw kag pagpasalamat sa Ginoo), kag sang pagbayaw nila sang ila tingug, upud sang mga budyong kag mga apiping kag mga tulunggon sa musica, sa pagdayaw sa Ginoo,
“Kay maayo sia,
kay ang iya malig-on nga paghigugma nagapadayon sa gihapon,”#1 Cron. 16:34; 2 Cron. 7:3; Esd. 3:11; Sal. 100:5; 106:1; 107:1; 118:1; 136:1; Jer. 33:11.
ang balay, napuno sang panganud, ang balay sang Ginoo, 14sa bagay nga ang mga sacerdote indi makasarang magtindug sa pag-alagad bangud sang panganud; kay ang himaya sang Ginoo nagpuno sang balay sang Dios.#Ex. 40:34-35.
Currently Selected:
2 MGA CRONICA 5: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
