Tobit 9
9
Ang Panglakaton Padulong sa Rages
1Karon ginpatawag ni Tobias si Rafael kag ginsilingan, 2“Azarias, magkadto ka kay Gabael sa banwa sang Rages. Dala ka sing apat ka mga suloguon kag duha ka mga kamelyo. Ihatag sa iya ining kalig-unan nga ginpirmahan nila ni tatay agod nga ihatag niya sa imo ang kwarta. Pagkatapos, dalha sia diri agod makatambong sa punsyon sang kasal. 3-4Nakahibalo ka nga ginaisip ni tatay ang mga inadlaw sang akon pagbalik. Kon maatrasar ako sing bisan isa lamang ka adlaw, magakasakit gid sia. Imo naman nahibaluan nga si ugangan Raguel nagapamilit nga magpabilin anay ako kag indi ako makabalibad sa iya.”
5Gani si Rafael, upod ang apat ka suloguon, naglakat padulong sa Rages sa Media kag nagdayon sila sa balay ni Gabael. Ginhatag ni Rafael kay Gabael ang napirmahan nga dokumento kag ginpahibalo sia nga si Tobias nga anak ni Tobit nakapangasawa sa wala pa lamang madugay kag nagapangagda sia sa iya nga magtambong sa punsyon sang kasal. Sa gilayon, gin-isip ni Gabael ang mga bag sang kwarta nga naselyohan pa. Ila ini ginkarga sa mga kamelyo.#9:5 Ila ini ginkarga sa mga kamelyo: Ang iban nga mga manuskrito mayIla ini gintumpok. 6Aga pa sa madason nga adlaw, naglakat sila sa pagtambong sa punsyon. Nagakaon gid si Tobias sang mag-abot si Rafael kag si Gabael sa balay ni Raguel. Gilayon nga nagtindog si Tobias sa pag-abiabi kay Gabael. Si Gabael nagahibi nga nagbugno kay Tobias kag ginbendisyunan niya si Tobias sa sini nga mga pulong, “Katulad ka gid sang imo matarong kag maalwan nga amay. Kabay pa nga ang Ginoo sa langit magbendisyon sa inyo nga mag-asawa kag sa imo mga ugangan. Dayawon ang Dios nga nagpalawig sang akon kabuhi agod nga makita ang akon pakaisa nga si Tobias, ang buhi nga larawan sang iya amay.”
Currently Selected:
Tobit 9: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012