Sirac 12
12
1Kon#Mat. 7:6. maghimo ka sang isa ka maayo nga buhat talupangda anay kon para kay sin-o ginahimo mo ini,
dayon pagakilalahon ang imo kaayo.
2Ang isa ka maayo nga binuhatan para sa tawo nga nagatahod sa Dios,
pagabalusan sang tawo nga ginhimuan sini, ukon sang Labing Mataas.
3Wala sing maayo nga nagaabot sa tawo nga nagapadayon sa paghimo sing malaut
ukon sa tawo nga wala gid nagahatag sa mga kubos.
4Maghatag ka sa tawo nga nagatahod sa Dios, pero indi ka gid magbulig sa makasasala.
5Maghimo ka sing maayo sa mapainuboson nga tawo, indi ka maghatag bisan ano sa di-diosnon nga tawo.
Indi sia paghatagi sing kalan-on, bisan diutay lang.
Basi magbakod pa sia sang sa imo,
dayon doble pa nga kalainan ang imo batunon
sa baylo sang mga kaayuhan nga imo ginhimo sa iya.
6Kay ang Labing Mataas nagakangil-ad sang mga makasasala
kag magatimalos sa mga malaut.
7Maghatag ka sa maayo nga tawo,
pero indi ka gid magbulig sa makasasala.
Ang Matuod kag ang Di-matuod nga mga Abyan
8Sa kauswagan indi mo makilala ang isa ka matuod nga abyan,
pero sa kabudlayan indi matago ang kaaway.
9Kon maayo ang kahimtangan sang isa ka tawo, ang mga kaaway niya nagakasubo,
pero sa mga panahon sang kabudlayan, bisan ang iya mga abyan nagabiya sa iya.
10Indi ka gid magsalig sa kaaway,
subong nga ang tuktok nagaut-ot sang bronsi amo man ang kalain niya.
11Bisan magpakita sia nga mapainuboson kag mainalagaron,
mag-andam ka, kag bantayi ang imo kaugalingon batok sa iya!
Halungi ang imo kaugalingon sa iya, kaangay sang espeho nga imo ginatinluan
kay nagalubog ini liwat.
12Indi sia pag-ibutang sa imo tupad,
kay basi iya ikaw pukanon kag agawon ang imo lugar.
Indi sia pagpapungkoa sa imo tuo,
kay basi iya pagahandumon ang imo kaugalingon nga pungkoan,
kag sa ulihi makita mo ang kamatuoran sang akon mga pulong,
kag madumdoman mo ang akon pagpaandam nga may paghinulsol.
13Sin-o bala ang nagakaluoy sa isa ka manug-anta sang man-og kon buntogon sia sini,
kag sa isa ka manug-anta sang sapat nga talunon kon sia pagakagton?
14Amo man ang nagaupod sa malain nga mga tawo
kag nagabuylog sa kalautan nga ginahimo sang iban.
15Ayhan magaunong sia sa imo sa malip-ot nga tion,
pero kon imo sia paslawon, ang iya pagpakig-abyan indi magpadayon.
16Ang kaaway may dugos sa iya mga bibig,
pero sa iya tagipusoon nagapahito sia sa pagtikwang sa imo sa kalog.
Ayhan may luha sia sa iya mga mata,
pero hatagi sia sing kahigayunan kag indi sia magkahadlok sa pagpatay.
17Kon abtan ka sing mga kalalat-an, makita mo sia didto nga una pa sa imo.
Nagapakunokuno sa pagbulig, pero handa sa pagbutong sang imo mga tiil paidalom.
18Dayon magalungolungo sia sang iya ulo kag magapamalakpak sang iya mga kamot
kag magapalapta sang kutsokutso, nga nagapakita sang iya matuodtuod nga kolor.
Currently Selected:
Sirac 12: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012