Bugna 8
8
Ang Ikapito nga Selyo
1Sang paghukas sang Kordero sang ikapito nga selyo, naghari ang kalinong sa langit sa sulod sang tunga sa oras. 2Dayon nakita ko ang pito ka mga anghel nga nagatindog sa atubang sang Dios. Ginhatagan sila sing pito ka mga trumpeta.
3Nag-abot#Amos 9:1; Exo. 30:1, 3. ang isa pa gid ka anghel nga may bulawan nga sulodlan sang insyenso, kag nagtindog sa atubangan sang altar. Ginhatagan sia sing madamo nga insyenso agod ihalad ini upod sa mga pangamuyo sang tanan nga mga tumoluo kag sa paghalad sini sa altar nga bulawan nga yara sa atubangan sang trono. 4Ang aso sang sinunog nga insyenso nagtub-ok upod ang mga pangamuyo sang mga tumoluo gikan sa mga kamot sang anghel nga nagatindog sa atubang sang Dios. 5Dayon#Lev. 16:12; Ezeq. 10:2; Exo. 19:16; Bug. 11:19; 16:18. ginkuha sang anghel ang sulodlan sang insyenso kag ginpuno niya ini sing kalayo halin sa altar kag ginhaboy ini sa duta. Nagdaguob, nagginahod, nagpangilat, kag naglinog.
Ang mga Trumpeta
6 #
Klm. Sol. 11:5–12:2. Dayon ang pito ka mga anghel nga may pito ka mga trumpeta naghanda sa pagpatunog sini.
7Ang#Exo. 9:23-25; Ezeq. 38:22. nahauna nga anghel nagpatunog sang iya trumpeta. Sa gilayon nag-ulan sa duta sing yelo kag kalayo nga nasimbugan sing dugo. Ang ikatlo nga bahin sang duta, ang ikatlo nga bahin sang mga kahoy, kag ang tanan nga hilamon nagkalasunog.
8Dayon ang ikaduha nga anghel nagpatunog sang iya trumpeta. May gintagbong sa dagat nga daw isa ka daku nga bukid nga nagadabadaba. Nahimo nga dugo ang ikatlo nga bahin sang dagat, 9kag ang ikatlo nga bahin sang buhi nga mga tinuga sa dagat nagkalamatay, kag ang ikatlo nga bahin sang kabilogan sang mga bapor nagkalaguba.
10Dayon#Isa. 14:12. ang ikatlo nga anghel nagpatunog sang iya trumpeta. Nahulog halin sa langit ang isa ka daku nga bituon nga nagadabdab nga daw sulo, kag nagtupa ini sa ikatlo nga bahin sang mga suba, kag sa mga tuboran sang tubig. 11(Ang#Jer. 9:15. ngalan sang bituon amo ang “Kapait”.) Ang ikatlo nga bahin sang mga tubig nagpait, kag madamo nga mga tawo ang nagkalamatay sa ila pag-inom sang tubig tungod kay nagpait ini.
12Dayon#Isa. 13:10; Ezeq. 32:7; Joel 2:10, 31; 3:15. ang ikap-at nga anghel nagpatunog sang iya trumpeta. Naigo ang ikatlo nga bahin sang adlaw, ang ikatlo nga bahin sang bulan, kag ang ikatlo nga bahin sang mga bituon, sa bagay nga ang ikatlo nga bahin sang ila kasanag nadula. Wala na sing kapawa sa ikatlo nga bahin sang kaadlawon kag sa ikatlo man nga bahin sang kagab-ihon.
13Dayon nagtan-aw ako, kag nabatian ko ang isa ka agila nga nagalupad sing mataas sa kahawaan kag nagasinggit sa mabaskog nga tingog, “O makakulogmat! Makakulogmat! Daw ano ka makakulogmat para sa tanan nga nagakabuhi sa duta kon magpatunog ang tatlo pa gid ka mga anghel sang ila mga trumpeta!”
Currently Selected:
Bugna 8: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
