Bugna 7
7
Ang 144,000 ka mga Tawo sang Israel
1Sa#Jer. 49:36; Dan. 7:2; Zac. 6:5. tapos sini nakita ko ang apat ka mga anghel nga nagatindog sa apat ka mga pamusod sang duta, nga nagapugong sang apat ka mga hangin nga maghuyop sa duta, ukon sa dagat ukon sa bisan ano nga kahoy. 2Kag nakita ko ang isa pa ka anghel nga nagakayab halin sa sidlangan nga may selyo sang Dios nga buhi. Gintawag niya sa mabaskog nga tingog ang apat ka mga anghel nga ginhatagan sang Dios sing gahom sa paghalit sang duta kag sang dagat. 3Ang#Ezeq. 9:4, 6. anghel nagsiling, “Indi paghaliti ang duta, ukon ang dagat ukon ang mga kahoy, tubtob nga mamarkahan namon sang selyo ang mga agtang sang mga alagad sang aton Dios.” 4Kag ginsugiran ako sang kadamuon sadtong ginpangmarkahan sang selyo sang Dios sa ila mga agtang. Ang ila kadamuon, 144,000, halin sa dose ka tribo sang Israel. 5May 12,000 halin sa tribo ni Juda nga ginmarkahan sang selyo, 12,000 halin sa tribo ni Ruben, 12,000 halin sa tribo ni Gad, 612,000 halin sa tribo ni Aser, 12,000 halin sa tribo ni Neftali, 12,000 halin sa tribo ni Manases, 712,000 halin sa tribo ni Simeon, 12,000 halin sa tribo ni Levi, 12,000 halin sa tribo ni Isacar, 812,000 halin sa tribo ni Zabulon, 12,000 halin sa tribo ni Jose, kag 12,000 halin sa tribo ni Benjamin.
Ang Madamo nga mga Tawo
9Sa tapos sini nagtan-aw ako, kag may madamo gid nga mga tawo, nga wala sing isa nga sarang makaisip sa ila! Naghalin sila sa tagsa ka rasa, tribo, pungsod, kag linggwahe, kag nagtindog sila sa atubangan sang trono kag sang Kordero. Nagabayo sila sing malaba kag puti, kag may mga sanga sang palma sila nga ginauyatan. 10Nagsinggit sila sing mabaskog: “Ang amon kaluwasan nagahalin sa amon Dios, nga nagapungko sa trono, kag halin sa Kordero!” 11Ang tanan nga mga anghel nagtindog sa palibot sang trono, sang mga katigulangan kag sang apat ka buhi nga mga tinuga. Dayon nagluhod sila sa atubangan sang trono, kag nagsimba sa Dios, 12nga nagasiling, “Kabay pa! Ang pagdayaw, ang himaya, ang kaalam, ang pagpasalamat, ang kadungganan, ang gahom, kag ang kusog iya sang aton Dios sa walay katapusan! Kabay pa!”
13Ang isa sang mga katigulangan nagpamangkot sa akon, “Sin-o ini nga mga tawo nga nagabayo sing malaba kag puti, kag diin bala sila maghalin?”
14Nagsabat#Dan. 12:1; Mat. 24:21; Mar. 13:19. ako, “Tiyoy, wala ako makahibalo. Ikaw ang nakahibalo.”
Nagsiling sia sa akon, “Amo ini ang mga tawo nga nakaluwas sa daku nga paghingabot. Ginlabhan nila ang ila malaba nga mga bayu kag ginpaputi nila sa dugo sang Kordero. 15Gani nagatindog sila sa atubangan sang trono sang Dios kag nagaalagad sa iya sa adlaw kag sa gab-i sa iya templo. Ang nagapungko sa trono magaapin sa ila sang iya presensya. 16Indi#Isa. 49:10. na sila paggutomon ukon pag-uhawon liwat. Indi na sila masunog sang adlaw ukon sang kasingkal sang init. 17Kay#Sal. 23:1; Ezeq. 34:23; Sal. 23:2; Isa. 49:10; Isa. 25:8. ang Kordero nga yara sa tunga sang trono, amo ang ila manugbantay, kag magatuytoy sa ila sa mga tuboran sang tubig nga buhi, kag ang Dios magapahid sang tagsa ka tulo sang luha sa ila mga mata.”
Currently Selected:
Bugna 7: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
