Bugna 22
22
1Ginpakita#Ezeq. 47:1; Zac. 14:8. man sa akon sang anghel ang suba sang tubig sang kabuhi nga nagaigpat-igpat kaangay sang kristal nga nagahalin sa trono sang Dios, kag sang Kordero, 2kag#Gen. 2:9. nagailig sa tunga sang kalsada sang siudad. Sa pihak kag pihak nga pangpang sang suba may kahoy sang kabuhi nga nagapamunga sing dose ka beses sa sulod sang isa ka tuig, makaisa kada bulan. Ang iya mga dahon bulong para sa mga pungsod. 3Wala#Zac. 14:11 (cp. Gen. 3:17). sing bisan ano nga ginpakamalaut sang Dios nga makita sa sini nga siudad.
Ang trono sang Dios kag sang Kordero yadto didto sa sini nga siudad, kag ang iya mga alagad magasimba sa iya. 4Makita nila ang iya guya, kag ang iya ngalan pagaisulat sa ila mga agtang. 5Wala#Isa. 60:19; Dan. 7:18. na sing gab-i, kag wala na sila sing kinahanglan sang mga suga ukon sang kapawa sang adlaw, tungod kay ang Ginoong Dios amo ang ila kapawa, kag magagahom sila subong mga hari sa walay katapusan.
Ang Pag-abot ni Jesus
6Dayon ang anghel nagsiling sa akon, “Ini nga mga pulong matuod kag masaligan. Ang Ginoong Dios, nga naghatag sang iya Espiritu sa mga propeta, nagpadala sang iya anghel sa pagpakita sa iya mga alagad, kon ano ang dapat mahanabo sa labing madali.”
7Si Jesus nagasiling, “Pamati kamo! Maabot ako sa labing madali! Malipayon ang mga nagatuman sang mga pulong nga gintagna sa sini nga libro!”
8Ako, si Juan, nakabati kag nakakita sini tanan nga mga butang. Kag sa tapos ko ini mabatian kag makita, nagluhod ako sa tiilan sang anghel nga nagpakita sa akon sini nga mga butang, sa pagsimba sa iya. 9Pero nagsiling sia sa akon, “Indi paghimua ina! Ako isa man ka alagad subong sa imo, kag sang imo mga kautoran nga mga propeta, kag sang tanan nga nagatuman sang mga pulong sa sini nga libro. Simbaha ang Dios!” 10Kag nagsiling sia sa akon, “Indi pagtagoa ang mga ginatagna sa sini nga libro, tungod kay madali na lang ang tion nga ini tanan mahanabo. 11Ang#Dan. 12:10. bisan sin-o nga malaut magahimo sa gihapon sing mga kalautan, kag ang bisan sin-o nga mahigko magahimo sa gihapon sing mga kahigkuan. Ang bisan sin-o nga matarong magahimo sa gihapon sing matarong, kag ang mga balaan magapadayon sa pagkabalaan.”
12Si#Isa. 40:10; 62:11; Sal. 28:4; Isa. 40:10; Jer. 17:10. Jesus nagasiling, “Pamati kamo! Maabot ako sa labing madali! Magadala ako sang akon mga balos nga ihatag sa tagsatagsa suno sa iya binuhatan. 13Ako#Bug. 1:8; Isa. 44:6; 48:12; Bug. 1:17; 2:8. amo ang Alpha kag ang Omega, ang nahauna kag ang naulihi, ang ginsugoran kag ang katapusan.”
14Malipayon#Gen. 2:9; 3:22. ang mga nagalaba sing matinlo sang ila mga bayu nga malaba, kag gani may kinamatarong sila sa pagkaon sang bunga sang kahoy sang kabuhi, kag sa pagsulod sa mga pwerta pakadto sa siudad. 15Pero ang mga nagahimo sang makangilil-ad nga mga butang sa ila kapareho, ang mga manugbabaylan, ang mga makihilawason, ang mga manugpatay, ang mga nagasimba sa mga diosdios, kag ang mga butigon sa mga pulong kag sa mga binuhatan indi pagtugotan nga makasulod sa siudad.
16“Ako,#Isa. 11:1, 10. si Jesus, nagpadala sang akon anghel sa pagpahibalo sini nga mga butang sa inyo nga yara sa mga iglesia. Ako ang ginhalinan kag kaliwat sang panimalay ni David; ako amo ang masanag nga kabugwason.”
17Ang#Isa. 55:1. Espiritu kag ang Nobya nagasiling, “Palapit!”
Ang tagsatagsa nga nagapamati sini dapat man magsiling, “Palapit!”
Palapit, ang bisan sin-o nga ginauhaw. Batuna ang tubig sang kabuhi nga wala sing bayad, ang bisan sin-o nga luyag sini.
Ang Katapusan nga Paandam kag Saad
18Ako,#Deut. 4:2; 12:32. si Juan, nagapaandam gid sa tagsatagsa nga nagapamati sa mga tagna sa sini nga libro: ang bisan sin-o nga magdugang sini nga tagna, pagaidugang sang Dios sa iya silot ang mga kalalat-an nga nasulat sa sini nga libro. 19Kag ang bisan sin-o nga magbuhin sang mga tagna sa sini nga libro, pagakuhaon sang Dios sa iya ang iya bahin sa bunga sang kahoy sang kabuhi, kag ang iya bahin sa Balaan nga Siudad, nga nasaysay sa sini nga libro.
20Ang nagasaksi sini tanan nga mga butang nagasiling, “Matuod gid! Maabot ako sa labing madali!”
Kabay pa. Mag-abot ka, Ginoong Jesus!
21Kabay nga ang pagpakamaayo ni Ginoong Jesus manginyara sa inyo tanan.#22:21 tanan: Ang iban nga mga manuskrito maymga katawhan sang Dios; ang iban pa gid maytanan nga mga katawhan sang Dios.
Currently Selected:
Bugna 22: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
