Popular Bible Verses from Bugna 22

Share

Ako amo ang Alpha kag ang Omega, ang nahauna kag ang naulihi, ang ginsugoran kag ang katapusan.”

Si Jesus nagasiling, “Pamati kamo! Maabot ako sa labing madali! Magadala ako sang akon mga balos nga ihatag sa tagsatagsa suno sa iya binuhatan.

Ang Espiritu kag ang Nobya nagasiling, “Palapit!” Ang tagsatagsa nga nagapamati sini dapat man magsiling, “Palapit!” Palapit, ang bisan sin-o nga ginauhaw. Batuna ang tubig sang kabuhi nga wala sing bayad, ang bisan sin-o nga luyag sini.

Malipayon ang mga nagalaba sing matinlo sang ila mga bayu nga malaba, kag gani may kinamatarong sila sa pagkaon sang bunga sang kahoy sang kabuhi, kag sa pagsulod sa mga pwerta pakadto sa siudad.

Si Jesus nagasiling, “Pamati kamo! Maabot ako sa labing madali! Malipayon ang mga nagatuman sang mga pulong nga gintagna sa sini nga libro!”

Wala na sing gab-i, kag wala na sila sing kinahanglan sang mga suga ukon sang kapawa sang adlaw, tungod kay ang Ginoong Dios amo ang ila kapawa, kag magagahom sila subong mga hari sa walay katapusan.

Ang nagasaksi sini tanan nga mga butang nagasiling, “Matuod gid! Maabot ako sa labing madali!” Kabay pa. Mag-abot ka, Ginoong Jesus! Kabay nga ang pagpakamaayo ni Ginoong Jesus manginyara sa inyo tanan.

Ako, si Juan, nagapaandam gid sa tagsatagsa nga nagapamati sa mga tagna sa sini nga libro: ang bisan sin-o nga magdugang sini nga tagna, pagaidugang sang Dios sa iya silot ang mga kalalat-an nga nasulat sa sini nga libro. Kag ang bisan sin-o nga magbuhin sang mga tagna sa sini nga libro, pagakuhaon sang Dios sa iya ang iya bahin sa bunga sang kahoy sang kabuhi, kag ang iya bahin sa Balaan nga Siudad, nga nasaysay sa sini nga libro.