Mga Salmo 83
83
Ang Pangamuyo agod Malutos ang mga Kaaway sang Israel#TITULO SA HEBREO: Salmo ni Asaf; ambahanon.
1O Dios, indi ka maghipos,
indi ka magpakuribong ukon magpahimuyong, O Dios!
2Tan-awa! Ang imo mga kaaway nagakinagubot,
kag ang mga nagadumot sa imo nagapakigsumpong sa imo.
3Nagaplano sila sing tago batok sa imo mga tawo,
nagahimbon sila batok sa imo mga ginaapinan.
4Nagasiling sila, “Dali kamo, laglagon naton ang ila pungsod,
agod ang Israel malimtan sa wala sing katapusan!
5Naghisugot sila sa ila plano,
kag nagkasugot sila sa pagtingob batok sa imo:
6ang mga tawo sang Edom, kag ang mga Ismaelinhon,
ang mga tawo sang Moab, kag ang mga Agarnon,
7ang mga tawo sang Gebal, Amon, kag Amalek,
sang Filistia kag sang Tiro.
8Ang Asiria nagbuylog man sa ila,
subong isa ka makusog nga kabulig sang mga Amonhon kag Moabnon nga mga kaliwat ni Lot.
9Himua#Huk. 7:1-23; Huk. 4:6-22. sa ila ang imo ginhimo sa mga Midianhon,
kag sa kay Sisera kag kay Jabin sa Suba sang Kison.
10Ginlutos mo sila sa Endor,
kag ang ila mga bangkay nagkaladunot sa duta.
11Himua sa ila mga heneral ang imo ginhimo kay Oreb kag kay Seeb,
lutosa ang ila tanan nga mga pangulo subong sang imo ginhimo kay Seba kag kay Salmuna #Huk. 7:25; Huk. 8:12.
12nga nagsiling, “Agawon ta kag angkunon ang duta
nga iya sang Dios.”
13O Dios ko, palaptaha sila subong sang yab-ok,
subong sang dagami nga ginapalid sang hangin.
14Subong nga ang kalayo nagasunog sang kagulangan,
subong nga ang dabdab nagasunog sang kabukiran,
15subong man lagsa sila sang imo bagyo
kag pakulbai sila sang imo mabaskog nga hangin.
16Pun-a ang ila mga guya sang kahuya, O Ginoo,
agod magakilala sila sang imo gahom.
17Kabay nga malutos sila kag makugmat sa gihapon,
kabay nga mapatay sila sa tuman nga kahuloy-an.
18Kabay nga makilala nila nga ikaw gid lang amo ang Ginoo nga Labing Mataas,
ang manuggahom sa bug-os nga duta!
Currently Selected:
Mga Salmo 83: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
