Mga Salmo 82
82
Ang Dios Labaw sa Tanan nga Manuggahom#TITULO SA HEBREO: Salmo ni Asaf.
1Ang Dios nagapangulo sang sinapol sa langit,
sa pagtilipon sang mga dios nagahatag sia sang iya pamatbat:
2“Mag-untat kamo sa paghukom sing indi matarong,
kag mag-untat kamo sa pag-apin sa mga malaut!
3Apini ang kinamatarong sang mga imol kag sang mga ilo,
himua ang nagakaigo sa mga nawad-an kag sa mga makaluluoy.
4Luwasa ang mga imol kag ang mga nawad-an,
luwasa sila sa gahom sang malaut nga mga tawo!
5“Daw ano kakulang sa inyo sing ihibalo! Daw ano ka balingag!
Nagakabuhi kamo sa kalautan,
kag ang katarungan nadula sa kalibutan.
6Nagsiling#Juan 10:34. ako: ‘Mga dios kamo,
tanan kamo mga anak sang Labing Mataas’.
7Pero mapatay kamo kaangay sang mga tawo,
ang inyo kabuhi matapos kaangay sang bisan sin-o nga prinsipe.”
8Palapit, O Dios, kag maggahom sa kalibutan,
imo ang tanan nga mga kapungsoran.
Currently Selected:
Mga Salmo 82: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
