Mga Salmo 81
81
Isa ka Ambahanon para sa Piesta#TITULO SA HEBREO: Ni Asaf.
1Maghinugyaw kamo sa Dios nga aton mangangapin,
magkanta sing pagdayaw sa Dios ni Jacob!
2Sugori ninyo ang musika kag patunoga ang mga tamborin,
magtukar kamo sang manami nga sonata sang mga arpa kag mga lira.
3Patunoga#Num. 10:10. ang trumpeta para sa piesta,
kon ang bulan lati, kag kon ang bulan ugsad.
4Amo ini ang kasugoan sa Israel,
isa ka sugo gikan sa Dios ni Jacob.
5Ginmando niya ini sa mga tawo sang Israel,
sang paggubat niya sang duta sang Ehipto.
Nabatian ko ang tingog nga wala ko makilala nga nagasiling,
6“Ginkuha ko ang mabug-at nga mga karga sa imo likod,
ginpabutang ko sa imo ang imo mga alat.
7Sang#Exo. 17:7; Num. 20:13. ikaw yara sa kagamo, nagpanawag ikaw sa akon, kag ako nagluwas sa imo.
Gikan sa bagyo nga akon ginapanaguan nagsabat ako sa imo,
gintilawan ko ikaw didto sa mga tuboran sang Meriba.
8Mga tawo ko, pamatii ninyo ang akon paandam,
O Israel, magpamati ka kuntani sa akon!
9Indi#Exo. 20:2-3; Deut. 5:6-7. ka gid maghupot sang iban nga dios,
ukon magsimba sa kay bisan sin-o kundi sa akon lamang.
10Ako ang Ginoo nga imo Dios,
nga nagpagwa sa imo sa duta sang Ehipto.
Ngangaha ang imo baba, kag ako magahungit sa imo.
11“Pero ang akon mga tawo indi magpamati sa akon,
ang Israel wala magtuman sa akon.
12Gani ginpabay-an ko sila sa ila pagkabatinggilan
kag sa paghimo sang ila luyag.
13Daw ano ang akon handom nga pamatian ako kuntani sang akon mga tawo,
daw ano ang akon handom nga tumanon kuntani nila ako!
14Sa madali malutos ko ang ila mga kaaway
kag madaog ko ang tanan nila nga mga kasumpong.
15Ang mga nagadumot sa akon magaduko nga may kahadlok sa akon atubang,
ang ila silot wala sing katapusan.
16Pero pakaunon ko kamo sang pinili nga trigo
kag busgon ko kamo sang dugos sa talon.”
Currently Selected:
Mga Salmo 81: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
