Mga Salmo 80
80
Pangamuyo sa Pagpanumbalik sang Pungsod#TITULO SA HEBREO: Salmo ni Asaf; panaksihon.
1Pamatii#Exo. 25:22. kami, O Manugbantay sang Israel,
pamatii kami, ikaw nga nagapangulo kay Jose kaangay sang panong.
Sa nagalingkod ikaw sa imo trono sa ibabaw sang mga kerubin,
2ipakita man ang imo gahom sa mga tribo ni Efraim, Benjamin, kag Manases!
Ipakita sa amon ang imo kusog,
palapit kag luwasa kami!
3Pabakura kami liwat, O Dios!
Ipakita sa amon ang imo kaluoy, kag maluwas kami!
4Tubtob san-o pa bala, O Ginoong Dios sang mga hangaway,
nga ikaw magakaakig sa mga pangamuyo sang imo mga tawo?
5Ginhatagan mo kami sing mga kalisod nga amon kalan-on,
isa ka daku nga kupa nga may mga luha nga amon pagaimnon.
6Gintugtan mo ang kaingod nga mga pungsod sa pag-inagaway sang amon duta,
kag ginayaguta kami sang amon mga kaaway.
7Pabakura kami liwat, O sang mga hangaway!
Ipakita sa amon ang imo kaluoy, kag maluwas kami!
8Nagdala ikaw sing isa ka balagon sang ubas gikan sa Ehipto
gintabog mo ang iban nga mga pungsod kag gintanom mo ini sa ila duta.
9Naghawan ikaw sing isa ka lugar, agod ini magtubo,
nagpanggamot ini sing madalom, kag nagpangalapkap sa bug-os nga duta.
10Ang landong sini nagtabon sa mga bakulod,
kag ang iya mga sanga nagkabod sa dalagku nga mga sedro.
11Naglambot ang mga sanga sini tubtob sa Dagat sang Mediteraneo,
kag tubtob sa Suba sang Eufrates.
12Ngaa bala ginguba mo ang mga kudal sa palibot sini?
Karon ang bisan sin-o nga nagaagi makapanguha sang iya mga bunga,
13ang mga baboy nga talunon nagatasak sini,
kag ginakaon ini sang mga sapat nga talunon.
14Talupangda kami, O Dios sang mga hangaway!
Gikan sa langit, tamda kami,
palapit kag luwasa ang imo mga katawhan!
15Palapit kag luwasa ining balagon sang ubas nga ikaw gid ang nagtanom,
ining linghod nga balagon nga ginpatubo mo sing mabakod!
16Gintutdan ini sang amon mga kaaway, kag ila ini gintapas,
tuloka sila sing masakit kag laglaga sila!
17Apini kag tipigi ang imo pinili nga mga tawo,
ang pungsod nga imo ginpabakod!
18Indi na gid kami magbiya sa imo liwat,
buhia kami, kag magadayaw kami sa imo.
19Pabakura kami liwat, O Ginoong Dios sang mga hangaway!
Ipakita sa amon ang imo kaluoy, kag maluwas kami!
Currently Selected:
Mga Salmo 80: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
