Mga Salmo 28
28
Pangamuyo agod Buligan#TITULO SA HEBREO: Ni David.
1O Ginoo nga akon mangangapin, nagapanawag ako sa imo.
Pamatii man ang akon pagpanawag!
Kon indi mo ako pagsabton,
manginkaupod ako sang mga nagapanaog sa kalibutan sang mga patay.
2Pamatii man ako kon magpangayo ako sa imo sing bulig,
nga nagabayaw sang akon mga kamot sa imo balaan nga Templo.
3Indi man ako pagkondenaha upod sa mga malaut,
upod sa mga nagahimo sing kalautan,
mga tawo nga ang ila mga pulong mainabyanon,
pero ang ila mga tagipusoon puno sing pagdumot.
4Siluti#Bug. 22:12. sila tungod sang ila ginbuhat,
tungod sang tanan nga kalautan nga ila nahimo.
Siluti sila tungod sang ila binuhatan,
ihatag ang nagakaigo sa ila!
5Wala sila nagatalupangod sang ginhimo sang Ginoo,
ukon sang iya ginbuhat;
gani silutan niya sila,
kag laglagon sila sing walay katapusan.
6Dayawon ang Ginoo,
kay ginpamatian niya ang akon pagpangayo sing bulig!
7Ang Ginoo amo ang nagaamlig kag nagaapin sa akon,
sa iya ako nagasalig.
Iya ako ginabuligan kag ginalipay.
Nagaamba ako sing mga pagdayaw sa iya.
8Ang Ginoo nagaapin sa iya mga tawo,
ginaapinan kag ginaluwas niya ang iya pinili nga hari.
9Luwasa ang imo mga katawhan, O Ginoo,
kag bendisyuni sila!
Ikaw ang ila manugbantay,
kag atipana sila sa wala sing katubtoban.
Currently Selected:
Mga Salmo 28: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
