Mga Salmo 29
29
Ang Tingog sang Ginoo sa Bagyo#TITULO SA HEBREO: Salmo ni David.
1Dayawa#Sal. 96:7-9. ninyo ang Ginoo, langitnon nga mga tinuga,
dayawa ninyo ang iya pagkamakatilingala kag pagkagamhanan.
2Dayawa ninyo ang gamhanan nga ngalan sang Ginoo,
magsimba kamo sa Ginoo nga balaan kon magpahayag sia.#29:2 kon magpahayag sia: ukonsa mga bayu nga ginasuksok sa pagsimba; ukonsa iya matahom nga Templo.
3Ang tingog sang Ginoo mabatian sa kadagatan,
ang makagagahom nga Dios nagadaguob,
kag ang iya tingog mabatian sa mga kalalawran.
4Ang tingog sang Ginoo mabatian
sa iya bug-os nga kusog kag pagkahalangdon.
5Ang tingog sang Ginoo nagabali sang mga kahoy nga sedro,
bisan ang mga sedro sang Libano.
6Ginapatumbo niya ang mga bukid sang Libano subong sang tinday nga mga baka,
kag ginapalukso niya ang Bukid sang Hermon subong sang torite nga baka.
7Ang tingog sang Ginoo nagapakilat.
8Ang iya tingog nagapakurog sang desierto,
ginapakurog niya ang desierto sang Kades.
9Ang tingog sang Ginoo nagauyog sang kahoy nga terebinto#29:9 nagauyog sang kahoy nga terebinto: Sa Hebreo nagapabata sang usa.
kag nagapataktak sang mga dahon sang mga kahoy,
samtang sa iya Templo ang tanan nagasinggit, “Dayawon ang Dios!”
10Ang Ginoo nagagahom sa madalom nga mga tubig,
nagagahom sia subong hari sa walay katapusan.
11Ang Ginoo nagahatag sing kusog sa iya mga tawo,
kag nagahatag sia sing paghidait sa ila.
Currently Selected:
Mga Salmo 29: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
