Mga Salmo 21
21
Pagdayaw tungod sang Pagdaog#TITULO SA HEBREO: Salmo ni David.
1Nagakalipay ang hari, O Ginoo, tungod kay ginhatagan mo sia sing kusog,
nagakasadya gid sia, tungod kay imo sia ginpadaog.
2Ginhatag mo sa iya ang iya naluyagan,
ginhatag mo ang iya ginapangayo.
3Ginhatagan mo sia sang madamo nga mga kaayuhan,
kag ginkoronahan mo sia sing puraw nga bulawan.
4Nagpangayo sia sang kabuhi, kag imo sia ginhatagan sini,
kabuhi nga malawig kag wala sing katapusan.
5Tungod sang imo pagbulig nanginbantog sia,
ginhatagan mo sia sing kadungganan kag pagkahalangdon.
6Ginahatagan mo sia sing mga kaayuhan sa gihapon,
kag ang imo pagpakig-upod nagahatag sa iya sing kalipay.
7Ang hari nagasalig sa Ginoo nga Labing Mataas,
kag tungod sang mapinadayunon nga gugma sang Ginoo
manginhari sia sa walay katubtoban.
8Pagadakpon sang hari ang tanan niya nga mga kaaway,
bihagon niya ang tanan nga nagadumot sa iya.
9Sa iya pagpahayag,
laglagon niya sila kaangay sang nagadabadaba nga kalayo.
Sa iya kaakig ang Ginoo magalamon sa ila
kag ang kalayo magasunog sa ila.
10Patyon sang hari ang tanan nila nga mga kabataan,
iya papason ang tanan nila nga mga kaliwat.
11Ang tanan nila nga mga plano batok sa iya malaut,
pero indi sila magmadinalag-on.
12Iya sila panaon,
kag papalagyuhon.
13Ginadayaw namon ikaw, Ginoo, tungod sang imo daku nga kusog!
Ambahon kag dayawon namon ang imo gahom.
Currently Selected:
Mga Salmo 21: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
