Mga Salmo 22
22
Panghakroy kag Ambahanon sang Pagdayaw#TITULO SA HEBREO: Salmo ni David.
1Dios#Mat. 27:46; Mar. 15:34. ko, Dios ko, ngaa bala ginpatumbayaan mo ako?
Nagtalangison ako sa pagpangayo sang bulig mo,
pero wala man gihapon ini nagaabot!
2Kon adlaw nagapanawag ako sa imo, O Dios ko,
pero wala ka nagasabat sa akon,
kon gab-i nagapanawag man ako sa imo,
pero wala ako sing kapahuwayan.
3Pero ikaw ang Balaan nga nagapungko sa trono,
ang ginadayaw sang Israel.
4Ang amon katigulangan nagsalig sa imo,
nagsalig sila, kag imo sila ginluwas.
5Nagpanawag sila sa imo, kag naluwas sila sa katalagman,
nagsalig sila sa imo, kag wala sila mapaslawi.
6Pero indi na ako tawo, kundi isa ka ulod,
ginatamay kag ginahikayan sang tanan!
7Ang#Mat. 27:39; Mar. 15:29; Luc. 23:35. mga nakakita sa akon nagalangulango sa akon,
nagapadiwal sila kag nagalungolungo sang ila mga ulo.
8Nagasiling#Mat. 27:35; Mar. 15:24; Luc. 23:34; Juan 19:24. sila, “Nagsalig ka sa Ginoo,
ngaa bala wala ka niya pagluwasa?
Kon nahamut-an ka sang Ginoo,
ngaa bala wala ka niya pagbuligi?”
9Gikan sa tiyan sang akon iloy ginpagwa mo ako nga wala maano,
kag sang lapsag pa lang ako gin-atipan mo ako.
10Nagsalig ako sa imo sugod pa gid sang akon pagkatawo,
halin pa gid sang akon pagkatawo ikaw na ang akon Dios.
11Indi ka magpalayo sa akon!
Malapit ang kinagamo,
kag wala sing may makatabang.
12Ginalibutan ako sang madamo nga mga kaaway kaangay sang mga simaron,
nagalibot sila sa akon kaangay
sang mabangis nga mga simaron gikan sa duta sang Basan.
13Ginanganga nila ang ila mga baba kaangay sang mga leon,
nga nagangurob kag hana maggus-ab sa akon.
14Nadula ang akon kusog,
kaangay sang tubig nga naula sa duta.
Wala nagaalangot ang akon mga tul-an,
ang akon tagipusoon kaangay sang tinunaw nga talo sa akon dughan.
15Ang akon tutonlan#22:15 tutonlan: Sa Hebreo kusog. mamala subong sang yab-ok,
kag ang akon dila nagapilit sa akon alingagngag.
Ginbayaan mo ako nga nagahigda kag nagahimumogto.
16Ang grupo sang malaut nga mga tawo nagalibot sa akon,
kaangay sang panong sang mga ido, ginakibon nila ako,
gingus-ab nila#22:16 Ang iban nga dumaan nga mga pagbadbad gingus-ab nila; ang iban ginhigot nila; sa Hebreo kaangay sang leon. ang akon mga kamot kag tiil.
17Naggulowa ang akon mga tul-an.
Ang akon mga kaaway nagtulok sa akon nga nagamurarat ang ila mga mata.
18Ginapartida nila ang akon mga bayu,
kag ginapagabutgabotan nila ini.
19Indi ka magpalayo sa akon, O Ginoo!
Dalidali ka kag tabangi ako!
20Luwasa ako sa espada,
luwasa ang akon kabuhi sa sina nga mga ido.
21Luwasa ako sa sina nga mga leon,
wala ako sing mahimo#22:21 Ang iban nga dumaan nga mga pagbadbad wala ako sing mahimo; sa Hebreo ginsabat mo ako. sa sina nga mga simaron.
22Isugid#Heb. 2:12. ko sa akon mga tawo ang imo binuhatan,
dayawon ko ikaw sa ila katilingban:
23“Dayawa ninyo sia, kamo nga mga alagad sang Ginoo!
Pasidunggi ninyo sia, kamo nga mga kaliwat ni Jacob!
Simbaha ninyo sia, kamo nga mga tawo sang Israel!
24Wala niya ginapabay-i ang mga imol ukon ginapatumbayaan ang ila mga pag-antos,
wala sia nagapalayo sa ila,
kundi ginasabat niya ang ila pagpangayo sing bulig.”
25Sa daku nga katilingban dayawon ko ikaw tungod sang imo binuhatan,
magadulot ako sing mga halad nga akon ginsaad
sa atubang sang mga nagasimba sa imo.
26Ang mga imol magakaon kag mabusog,
ang mga nagaabot sa Ginoo magadayaw sa iya.
Kabay pa nga mag-uswag sila sa walay katubtoban!
27Ang tanan nga mga kapungsoran magadumdom sa Ginoo,
halin sa tagsa ka bahin sang kalibutan magabalik sila sa iya,
ang tanan nga mga rasa magasimba sa iya.
28Ang Ginoo hari,
kag iya ginagamhan ang mga kapungsoran.
29Ang tanan nga mga bugalon magaluhod sa iya atubang,#22:29 magaluhod sa iya atubang: Sa Hebreo magakaon kag magaluhod sa iya atubang.
amo man ang tanan nga mamalatyon nga mga tawo,
kag ang mga napat-od na nga mapatay.
30Ang palaabuton nga mga kaliwatan magaalagad sa iya,
ang mga tawo magahambal nahanungod sa Ginoo sa palaabuton nga kaliwatan.
31Pagaisugid sa mga tawo nga wala pa matawo:
“Ang Ginoo nagluwas sang iya katawhan!”
Currently Selected:
Mga Salmo 22: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
