Mga Salmo 20
20
Pangamuyo agod Magmadinalag-on#TITULO SA HEBREO: Salmo ni David.
1Kabay nga sabton ka sang Ginoo sa adlaw sang kagamo!
Kabay nga apinan ka sang Dios ni Jacob!
2Kabay nga padal-an ka niya sing bulig gikan sa iya Templo,
kag gikan sa Bukid sang Sion magpadala sia sing bulig sa imo!
3Kabay nga batunon niya ang tanan mo nga mga dulot,
kag mahamut-an niya ang tanan mo nga mga halad.
4Kabay nga ihatag niya sa imo ang imo ginahandom,
kag pauswagon niya ang tanan mo nga mga plano.
5Dayon magahinugyaw kami sing malipayon sa imo pagdaog,
kag saulogon namon ini paagi sa pagdayaw sa aton Dios.
Kabay nga ihatag sang Ginoo ang tanan mo nga ginapangayo.
6Karon nakahibalo ako nga ang Ginoo nagapadaog sang iya pinili nga hari,
nagasabat sia sa iya gikan sa iya balaan nga langit,
kag paagi sa iya daku nga gahom ginapadaog niya sia.
7Ang iban nagasalig sa ila karwahi sa inaway,
kag ang iban sa ila mga kabayo,
pero kami nagasalig sa gahom sang Ginoo nga amon Dios!
8Magakasandad sila kag magakapukan,
pero kami amon magabangon kag magatindog sing malig-on.
9Ihatag ang pagdaog sa hari, O Ginoo,
sabta kami#20:9 Ang iban nga dumaan nga mga pagbadbadsabta kami; sa Hebreo magasabat sia. kon kami magpanawag.
Currently Selected:
Mga Salmo 20: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
