Mga Salmo 19
19
Ang Kadungganan sang Dios sa Iya Gintuga#TITULO SA HEBREO: Salmo ni David.
1Ang kadungganan sang Dios ginapahayag sing maathag sang kalangitan!
Ang langit nagapakita sing maathag sang iya mga binuhatan!
2Ang tagsa ka adlaw nagasugid sini sa madason nga adlaw,
ang tagsa ka gab-i nagasulit sini sa madason nga gab-i.
3Wala sing pulong ukon mga tinaga nga ginagamit,
wala sing gahod nga mabatian,
4pero#Rom. 10:18. ang ila mensahe#19:4 Ang iban nga dumaan nga mga pagbadbad mensahe; sa Hebreo linya. nagatugob sa bug-os nga kalibutan,
kag ini nagalambot sa mga punta sang duta.
Didto sa langit naghimo ang Dios sing balay para sa adlaw,
5nagagwa ini kon aga kaangay sang malipayon nga nobyo,
kaangay sang humalampang nga nagadali sa pagpalumba.
6Nagasugod ini halin sa isa ka punta sang langit,
kag nagalibot ini pakadto sa isa naman ka punta.
Wala gid sing may makapanago sa iya kainit.
Ang Kasugoan sang Ginoo
7Ang kasugoan sang Ginoo himpit,
nagahatag ini sing bag-o nga kusog.
Ang mga sugo sang Ginoo masaligan,
kag nagahatag ini sing kaalam sa mga nakulangan sini.
8Matarong ang mga kasugoan sang Ginoo,
kag ang mga nagatuman sini malipayon.
Matarong gid ang mga sugo sang Ginoo,
kag nagahatag sing paghangop sa hunahuna.
9Ang pagsimba sa Ginoo maayo,
magapadayon ini sa walay katubtoban.
Matarong ang mga paghukom sang Ginoo,
wala ini sing may ginapasulabi.
10Halandumon pa sila sang sa bulawan, bisan pa sang sa pinakapuraw nga bulawan.
Mas matam-is pa sila sang sa dugos, bisan pa sang sa wala simbog nga dugos.
11Ginatudloan nila ako nga imo alagad,
tungod sang akon pagtuman sini ginahatagan ako sing balos.
12Wala sing tawo nga makakita sang iya kaugalingon nga mga sayop,
luwasa ako, Ginoo, sa tago nga mga kasaypanan!
13Ipahilayo man ako sa hayag nga mga sala,
indi ako pag-ipadaog sa ila.
Dayon manginhimpit ako,
kag manginhilway sa kalautan sang sala.
14Kabay pa nga mabaton mo ang akon mga pulong kag panghunahuna,
O Ginoo, akon mangangapin kag manunobos!
Currently Selected:
Mga Salmo 19: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
